REVELATION 13 - Ottawa New Testament Penteteuch and Psalms 1874

¹ Ningenebow dush emuh metuhwaungaug kechegumme, ningewahbuhmah dush pazhik ahwasee peöonje-mookeed emuh kechegummeeng, keneezhwahchewunenewun ooshtequaunun kuhya kemetahchewunenewun oodashkunun, kuhya emuh oogij‐oodashkunun oogeähyaunun metauswe oogemah‐wewuhquaunun, kuhya emuh oogij‐ooshtequaunun mujje‐kezhawine oonoozoowin keëzhebeëgahdane.

² Owh dush ahwasee kahwahbuhmug keche‐pezhuïng keëhenahgooze, kuhya oosittun mukkoositaung keëzhenahgwudene kuhya oodoon mezhebeshe‐oodooning keëzhenahgwudene. Kuhya owh keche‐mujje‐kenabig oogemeenaun enewh ahwaseeün ookushkeäwezewin kuhya oodahpuhbewin, kuhya keche‐oogemahwandahgoozewin.

³ Ningewahbundahmahwah dush pazhik ooshtequaun kahmahkegunaunjegahdanig cheneboomahgudenig; kuhya kenoojemoomahgudene ooshtequaun kahmahkuhgunaunjegahdanig kegenesegoobun: kuhkenuh dush egewh uhkeeng ayahjig oogemahmahkahdanemahwaun enewh ahwaseeün.

⁴ Kuhya oogeshahgushketahwahwaun enewh keche‐mujje‐kenabigoon, kemeenahnid enewh ahwaseeün kushkeäwezewin: kuhya oogeshahgushketahwahwaun enewh ahwaseeün, oo‐oo keëkedoowaud; Ahwanan azhewabezid nahsaub azhewabezid owh ahwasee? Ahwanan kakushketood chemeegahnaud enewh?

⁵ Kemeenah dush oodoonemah kache‐muhmequahzoomahguk kuhya maje‐kezhwamahguk; kemeenah dush kushkeäwezewin, cheähyaud nemeduhnuh‐ahshe‐neezhoo keezis.

⁶ Ketahwune dush chemujje‐duhzhemaud Kesha‐Muhnedoon, chemujje‐duhzhindung oodezhenekahzoowinene ookechetwah‐ahnuhmeä‐weguhmig, kuhya enewh andahnejin ewede keche‐kezhegoong.

⁷ Kemeenah dush chemeegahnaud enewh manoo‐ahnuhmeähnejin, kuhya chemahmauzheäud enewh: kuhya kemeenah ewh kushkeäwezewin chekushkeäud ahnooj doowun ahnishenahban, kuhya ahnooj anwanejin, kuhya ahnooj azheweenzoonejin.

⁸ Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.

⁹ Kishpin ahweyah watuhwuhgaud, mahnoo oogahbezindaun.

¹⁰ Owh takoonewad tahtuhkoonah: owh dush nashewad ewh ahzhahwashkoon ahyood, tahnesah ewh ahzhahwashk. Me suh oo‐oo oominwahdanduhmoowinewaun kuhya oodabwayanduhmoowinewaun egewh manoo‐ahnuhmeähjig.

¹¹ Ningewahbuhmah dush menuhwah pazhik ahwasee oonje‐mookeed emuh uhkeeng; mahnishtahnisheens oodashkuning keëzhenahgwudenewun neesh oodashkunun, kuhya keche‐mujje‐kenabigoong keëzhekekedoo.

¹² Kahezhekushkeäwezid owh netum ahwasee kahahyaud chepwah ween ahyaud mesuh menik kushkeäwezid, kuhya keähnooke owh ahwasee netum kahpeähyaud cheoojecheengwunetahgood ewh uhkee kuhya enewh anduhnuhkeenejin emuh uhkeeng, me suh owh netum ahwasee kahnoojemoomahgudenig ooshtequaun wahnesegoobun.

¹³ Keche‐mahmaundahwejega dush, keähnooke ishkootan cheöonjebahmahgudenig emuh keche‐kezhegoong kepungesinenig emuh uhkeeng anahsuhmewaud enenewug.

¹⁴ Kuhya oowuhyazhemaun kuhkenuh enewh anduhnuhkeenejin emuh uhkeeng oonje enewh mahmaundahwechegunun kahkushketood cheëzhechegad emuh anahsuhmenid enewh ahwaseeün; keënaud enewh anduhnuhkeenejin emuh uhkeeng cheöozhetuhmahwahnid muzzeneneen enewh ahwaseeün, owh kahpukkittaöond ewh ahzhahwashk, kebemahdezid dush.

¹⁵ Kekushkeäweze dush ween chebemahdezeäud enewh ahwasee‐muzzeneneen, chenetah‐kekedoonid enewh ahwasee‐muzzeneneen, kuhya cheähnookeenid chenesindwah kuhkenuh ananduhsegoog cheöojecheengwuhnetahwahwahpun enewh ahwasee‐muzzeneneen,

¹⁶ Ahnookee dush kuhkenuh cheöodahpuhmenid ewh ookekenoowahjechegun emuh ookeche‐neenjening gamuh emuh ookuttikooning kishpin agahsandahgoozewahgwan kuhya kachetwahwezewahgwan, kache‐tebenuhwawezewahgwan gamuh katemahgezewahgwan, dabanindezoowahgwan gamuh dabandahgoozewahgwan;

¹⁷ Chepuhgedenuhmahwahsewind dush ahweyah enene chekishpenuhchegapun gamuh cheähtahwapun, owh atuh kakenoowahjechegahzood ookekenoowahjechegun, gamuh oodezhenekahzoowin owh ahwasee gamuh oodezhenekahzoowine ahgindahsoowin.

¹⁸ Mesuh oo‐oo nebwahkahwin. Owh dush nabwahkaud oogahahgindaun oodahgindahsoowin owh ahwasee: mesuh enene oodahgindahsoowin; ningoodwauswauk‐ahshe‐ningoodwahsoo‐meduhnuh ahshe ningoodwahswe, mesuh oodahgindahsoowin.