REVELATION 12 - Ottawa New Testament Penteteuch and Psalms 1874

¹ Kepenahgwud dush gagoo kache‐mahmaundahwuk emuh kezhegoong; pazhik equa kahahgwid enewh kezhike‐kezisoon, kuhya ayahwaud enewh tebike‐kezisoon emuh ahnaumesit, kuhya emuh ooshtequauning ayahwaud enewh metauswe ahshe neezh ahnungoon tahnahsug oogemah‐wewuhquaun:

² Ahyahwaud dush enewh ahbenoojeyun keöonje‐ahyahshequa, kenegeähwuhsood, kuhya kekooduggetood wenegenid oodahbenoojeëmun,

³ Menuhwah dush pazhik mahmaundahwejegun kepenahgwud ewede kezhegoong; benuh dush pazhik mashkoozid keche‐mujje‐kenabig, neezhwahchenenewun ooshtequaunun, kuhya metahchenenewun oodashkunun, kuhya neezhwahswe oogemah‐wewuhquaunun emuh ooshtequauning.

⁴ Oozoowaun dush keähyood oogewekoobenaun gagah ahbetah enewh kezhegoong duhzhe ahnungoon kuhya uhkeeng oogeëzheähpuggenaun; kuhya owh keche‐mujje‐kenabig kenebahwe anahsuhmenid enewh equawun wahnegeähwuhsoonejin, weäumwaud enewh oodahbenoojeemene uhpe nahgenid.

⁵ Oogenegeäun dush owh equa enewh quewezansun, mesuh owh wahoogemahkundahwaud kuhkenuh enewh ahnooj azheweenzoonejin ahnishenahban pewahbekoo suhkuhoon katuhkoonung; oodahbenoojeëmun owh equa keëzhewejegahzoowun emuh ahyahnid enewh Kesha‐Muhnedoon, kuhya emuh ahyahnig oodoogemah‐wuhbewin.

⁶ Owh dush equa keëzhenezhemoo emuh puhgwuhduhkummig, kahduhzhe‐wuhwazhetuhmahgood enewh Kesha‐Muhnedoon ningooche kaähyaud, kaduhzhe‐ahshummind metauswauk ahshe neezhwauk ahshe ningoodwahswe‐meduhnuh duhsoogoon.

⁷ Kemegahdim dush ewede keche‐kezhegoong: Michael kuhya oodangenemun oogemegahnahwaun enewh keche‐mujje‐kenabigoon; kemegahzoo dush owh keche‐mujje‐kenabig kuhya enewh oodangenemun,

⁸ Kah dush keshahgoocheëwasewug, kah dush kayahbe kemekahwahsewug ewede keche‐kezhegoong.

⁹ Owh dush keche‐mujje‐kenabig kesahgeche‐wabenah, owh kata‐kenabig, Mujje‐muhnedoo azhenekahzood, kuhya Satan; me suh owh wuhyazhindung kuhkenuh anegookookummegaug uhkee: uhkeeng dush keëzheähpuggechegahzoo, kuhya mahmahwe kedahgoo‐sahgeje‐wabenegahzoowun enewh oodangenemun.

¹⁰ Ningenoondaun dush ewh keche‐inwawin keche‐kezhegoong oo‐oo akedoomahguk, Ahzhuh ketuhgwishenoomahgud bemahjeëgoozewin, kuhya mushkahwezewin, kuhya Kekesha‐Muhnedoomenaun oodoogemahwin, kuhya oomushkahwezewinene Oo‐Christemun; Owh mahween buhyahtahmaud enewh kejekewaënahnin neesewabenegahzoo, owh kahbahtahmaud enewh anahsuhmid Kesha‐Muhnedoo kahzhegudenegin kuhya tabekudenegin.

¹¹ Oogemahmauzheähwaun oonje oomisqueeming Mahnishtahnisheens, kuhya oonje ewh ekedoowin kahenahjemoowaud; kah dush oogesahgetoosenahwah tebenuhwa oobemahdezewinewah peenish egoo neboowaud,

¹² Benuh dush oonahnegoozin keezhik kuhya kenuhwah keezhegoong anduhnezeyag. Tahnuhneenuhwanduhmoog egewh uhkeeng kuhya kechegummeeng ayahjig! kepenaunzekahgoowah muh owh Mujje‐muhnedoo keche‐nishkahdezid, ookekandaun ewh wanebik atuh cheähyaud.

¹³ Uhpe dush wuhyahbundung owh Keche‐mujje‐kenabig keëzheneeswabenegahzood emuh uhkeeng, oogekooduggeäun enewh equawun kahneegeähnejin enewh quewezansun

¹⁴ Kemeenah dush owh equa neezh ooningwegunun keche‐megeze, cheöonje‐ezhesad emuh puhgwuhduhkummig, emuh andaud, anduhzhe pemenind ningoo kekenoonoowin, kekenoonoowinun kuhya ahbetah kekenoonoowin, cheöonje‐wahbuhmegoosig enewh kenabigoon.

¹⁵ Owh dush kenabig kesahgejejewunenewun enewh nebeen emuh oonje oodooning, debishkoo uhnemooshkahungin ewh noopenuhnegood owh equa cheöonje‐mahjewenegood ewh mooshkuhun.

¹⁶ Owh dush equa oogeweedookahgoon ewh uhkee, ketahwunnemahgud ewh uhkee, keähgoondung ewh mooshkuhuhmoowin kahsahgejejewunenig emuh oonje oodooning owh keche‐mujje‐kenabig.

¹⁷ Keche‐mujje‐kenabig dush oogenishkanemaun enewh equawun kuhya oogeähwemegahnaun enewh kahishkoonegahzoonejin oonejahnesun, mesuh egewh ganuhwandungig enewh ookuhgequawinun Kesha‐Muhnedoo kuhya ayaungig ootebahjemoowin Jesus Christ.