REVELATION 11 - Ottawa New Testament Penteteuch and Psalms 1874

¹ Ningemeenegoo dush ahsahgunushk tebahegunahtigoong azhenahgwuk: kenebahwe owh angen, oo‐oo dush keëkedood, Puhsegween, tebahun dush ookeche‐nuhmeä‐weguhmigoom Kesha‐Muhnedoo, kuhya ewh sahsahgewejegun‐ahbik, kuhya egewh emuh anduhzhe‐ahnuhmeähjig.

² Ewh dush uhkeens ahgwahjuhyeëe atag keche‐ahnuhmeä‐weguhmigoong kagoo tebahunkan; egewh muh mayuggezejig meenahwug ewh: nemeduhnuh kezis ahshe neezh oogahtuhkookahdahnahwah ewh kechetwah‐oodanah.

³ Ningahmeenaug dush egewh neezh anoonuggig dabahjemoojig ewh kushkeäwezewin, tahaunwahjegawug dush metauswauk ahshe neezhwauk ahshe ningoodwahswe‐meduhnuh kezhegudoon, mushkemoodegine ahgwewinun kaähgwewaud.

⁴ Mesuh oogoo neezh ooliveahgahwunzheeg, kuhya egewh neezh wahsuhkoonanjegun‐ahtikoon padukketagin anahsuhmid Kesha‐Muhnedoo dabandung uhkee.

⁵ Kishpin dush ahweyah wemujje‐doodahwaud enewh, oodoonewaung oonjebahmahgudene ishkoota cheöonje‐bahnahjeëmind enewh shaunganemegoowahjin: Kishpin dush ahweyah wemujje‐dooduhwaud, me suh kaëzhenesind.

⁶ Oogoo dush oodahyahnahwah kushkeäwezewin chekebahquahuhmoowaud ewh kezhik, cheöonje‐kemewunsenook magwah aunwahjegawaud: kuhya ookushketoonahwah enewh nebeen chemisqueewahguhmetoowaud ewh uhkee, duhshing egoo ananduhmoowahjin.

⁷ Uhpe dush keïshquah‐debahjemoowaud, owh ahwasee wanjebaud emuh wahnekauning ewh wuhyaquahsasenook oogahmegahnaun enewh, kuhya oogahmahmauzheäun, kuhya oogahnesaun.

⁸ Kuhya dush ooweyowewaun tahahtanewun emuh muhyahwekunah keche‐oodanaung, ewh Sodom kuhya Egypt azhenekahdag uhpe anduhzhinduhmingin wajechaugwandahgwukkin uhyeëen, kahduhzhe‐suhsuhgahquahoond owh Tabanemenung.

⁹ Egewh dush ahnishnenahbag, kuhya ahnooj anwajig, kuhya ahnooj azheweenzoojig oogahwahbundahnahwaun enewh weyowene nesoo kezhik ahshe ahbetah, kah dush oogahpuhgedenahmahwahsewaun enewh weyowene cheuhchegahdanig emuh chebaguhmigoong.

¹⁰ Egewh dush anduhnuhkeejig oomah uhkeeng tahmoojegezewug oonje neboonid, kuhya tahoonahnegoozewug, kuhya tahnuhneendahedewug enewh meegewawinun; oonje mahween oogoo neezh aunwahjega‐wenenewug kekooduggeähwaud enewh anduhnuhkenejin emuh uhkeeng.

¹¹ Uhpe kahnesoogoonuhguk ahshe ahbetah, oogepeenjenahwashkahgoowaun enewh bemahdezewine‐oojechaugoomaun oonje Kesha‐Muhnedoong, kuhya kequuhyukookahbahwewug; kekeche‐sagezewug dush egewh kahwahbuhmahjig.

¹² Oogenoondahnahwah ewh keche‐inwawin kezhegoong oonje, oo‐oo keëgoowaud, Oondahshaug oomah. Medush kahezheöombishkahwaud ewede kezhegoong emuh ahnuhquudoong; oogewahbuhmegoowaun dush enewh shaunganemegoowahjin.

¹³ Me goo uhpe tebahegun kekeche‐cheengwakummegaug, ahnind dush keche‐oodanah kekahwesamahgud, kuhya kecheengwakummegaug uhkee keöonje‐neboowug neezhwahcheeng metauswauk egewh enenewug: egewh dush kahishkoonindjig kesagezewug, kuhya oogepeshegandahgooähwaun enewh keche‐kezhegoong duhzhe Kesha‐Muhnedoon,

¹⁴ Me suh ishquahsag akoo neezhing ahnemezewin; benuh dush, waweeb peëzhahmahgud akoo nesing ahnemezewin.

¹⁵ Kuhya akoo neeshwahchewaud angen kepootahjega, kuhya keähyahmahgudoon keche‐inwawinun ewede kezhegoong, oo‐oo keëkedoomahguk; Zhuhyegwah owh Tabanemenung kuhya ooChristemun oodebandahnahwah oomah uhkeeng duhzhe oogemahwewinun; kahgenig dush tahoogemahkundahga.

¹⁶ Kuhya egewh neeshtuhnuh ahshe newin katezejig, namuhduhbejig anuhsuhmid Kesha‐Muhnedoo emuh oogemah‐wuhbewinewaung, keöojecheengwasawug keshahgushketahwahwaud edush Kesha‐Muhnedoon,

¹⁷ Oo‐oo keëkedoowaud, Kemahmooyahwuhmegoo, Oh Tabaningayun Kasha‐Muhnedooweyun, Muhyahmahwe‐mushkahwezeyun, noongoom ayahyun, kuhya ayahyunbun, kuhya kapetuhgwishenun; oonje keoodahpenuhmahzooyun kekeche‐mushkahwezewin, kuhya keöogemahkundahgayun.

¹⁸ Kenishkahdezewug dush egewh mayuggezejig, kenishkahdezewin ahzhuh ketuhgwishenoomahgud; kuhya ookezhegudoomewaun egewh naboojig uhpe chetebahkoonindwah, cheöonje‐shahwanemudwah kebuhmeetahgunug egewh aunwahjega‐wenenewug, kuhya enewh manooahnuhmeähjig, kuhya egewh quatungig kedezhenekahzoowin, agahsandahgoozejig kuhya kache‐ahpeetandahgoozejig; chebahnahjeüdwah dush egewh banahjetoojig ewh uhkee.

¹⁹ Kenesahkoonegahdane suh ookeche‐ahnuhmeä‐weguhmig Kesha‐Muhnedoo ewede keche‐kezhegoong: kewahbunjegahdane dush emuh ookeche‐ahnuhmeä‐weguhmigoong ewh ookekindewine‐muhkukkoom: keähyahwug dush wahwahsuhmoog, kuhya inwawinun, kuhya ahnemekeeg, kuhya kecheengwakummegah, kuhya kekeche‐sasagun.