REVELATION 10 - Ottawa New Testament Penteteuch and Psalms 1874

¹ Ningewahbuhmah dush menuhwah pazhik mashkahwezid angen keche‐kezhegoong peöonjeneesid, ahnuhquudoon agwid, kuhya oogeähyaun ewh nuhgwayaub emuh ooshtequauning, kezisoong dush keëzhenahgwudene oodangwy, kuhya ishkootawine suhkuhwahguning keëzhenahgwudenewun enewh oosittun.

² Oogetuhkoonaun dush pazhik muzzenuhegauns pahpakkesenenig: ketuhkooke dush ookechesit emuh kechegummeeng, kuhya oonuhmunjesit emuh uhkeeng,

³ Kekeche‐pepahge dush debishkoo uhpe kache‐mezetahgoozejin Mezhebeshe; uhpe dush kahishquah‐pepahgid, neezhwahswe ahnemekeeg kenoondahgoozewug.

⁴ Uhpe dush kahishquah‐noondahgoozewaud egewh neezhwahswe anemekeeg, newemahje‐oozhebeëganahbun: kuhya ningenoondaun inwawin kezhegoong oonje oo‐oo keëgooyaun, Ahkookeewuhsetoon oonoo uhyeëen kahenetahgoozewaud egewh neezhwahswe ahnemekeeg, kagoo dush oozhebeünkan,

⁵ Owh dush angen kahwahbuhmug nebahwid emuh kechegummeeng kuhya emuh uhkeeng kezhegoong enuhkuhkayah keöombenikane.

⁶ Kuhya kemushkahwah‐kezhwa ketuhgoowenaud enewh Kuhyahgega‐bemahdezenejin, enewh kahoozhetoonejin kezhik, kuhya enewh uhyeëen emuh ayaugin kuhya uhkee kuhya enewh uhyeëen emuh ayaugin, kuhya kechegumme kuhya enewh uhyeëen emuh ayaugin, Me zhuhyegwah kahween kayahbe tahkezhegussenoon keëkedood:

⁷ Uhpe dush enewh kezhegudoon uhpe kahnoondahgoozid owh akoo‐neezhwahchewaud angen, uhpe kemahje‐pootahjegad, tahishquahsane ookemoodezewin owh Kesha‐Muhnedoo, debishkoo, kahezhewahbunduhaud enewh oobuhmeetahgunun aunwahjega‐wenenewun.

⁸ Kuhya dush menuhwah ningeguhnoonegoon ewh inwawin kezhegoong kahoonjeemahguk, oo‐oo keëgooyaun, Ezhaun, oodahpin ewh muzzenuhegauns ewh puhyahkesing ewh takoonung owh angen nahbahwid oogedebeeg kechegummeeng kuhya emuh uhkeeng.

⁹ Ningeëzhaunun dush owh angen oo‐oo dush ningeënah, Meezheshin ewh muzzenuhegauns. Oo‐oo dush ningeïk, Oodahpin kuhya gedun; tahoonje‐wesuggun kemesud kuhya emuh kedooning ahmoo‐sinsebahquudoong tahezhewishkoobun.

¹⁰ Ningeöodahpenaun dush ewh muzzenuhegauns emuh oonje ooneenjeeng owh angen, kuhya ningegedaun; emuh dush nindooning ahmoo‐sinsebahquudoong keëzhewishkoobun, uhpe kahmejeyaun nemesud kewesuggun.

¹¹ Oo‐oo dush ningeïk, Kenundahwandahgooz menuhwah cheäunwahjegayun anahsuhmewaud nebewah ahnishenahbag, kuhya pakkaun‐azheweenzoojig bahmahdezejig, kuhya papukkaun anwajig, kuhya nebewah keche‐oogemaug.