REVELATION 1 - Ottawa New Testament Penteteuch and Psalms 1874

¹ Ewh oowahbunduhewawin Jesus Christ, kahmeenegood enewh Kesha‐Muhnedoon, chewahbundahaud oobuhmeetahgunun enewh uhyeëen gagah zhuhyegwah wahtebishkoosagin; keähnooke dush kewahbundahaud enewh oobuhmeetahgunun John keähnoonaud oodangenemun:

² Mesuh owh kahdebahdoodung oodekedoowin Kesha‐Muhnedoo, kuhya oodebahjemegoowin Jesus Christ, kuhya kuhkenuh enewh uhyeëen kahwahbundungin.

³ Shahwandahgooze suh owh agindung, kuhya shahwandahgoozewug egewh nwaundungig oonoo aunwahjegawine‐ekedoowinun kuhya ganuhwandungig enewh uhyeeen wazhebeëgahdagin emuh: pashoo muh peähyahmahgud uhpe kadebishkoosag.

⁴ John oomahjebeühmahwaun enewh anuhmeähnejin dabandahgoozenejin emuh neezhwahswe Asiaïng duhzhe oodanahwun: Mahnoo kegahahyahnahwah ewh shahwandahgoozewin kuhya pezaunewawin, oonje owh noongoom ayaud, kuhya kuhyet ayahpun, kuhya kapetuhgwishing: kuhya oonje egewh neezhwahswe oojechaugoomaug ayahjig anahsuhme‐ahyahnig oodoogemah‐wuhbewin;

⁵ Kuhya oonje Jesus Christ owh duhyabwa‐debahjemood, kuhya owh kahnetum‐oonishkahbenind menik anduhshewaud egewh naboojig, kuhya wadoogemahmegood enewh oomah uhkeeng duhzhe keche‐oogemaun. Mahnoo owh kahsahgeënung, kuhya kahkesebegenenung oonje enewh kemujje‐ezhewabezewinenahnin, tebenuhwa oomisqueem keähyood.

⁶ Kuhya kahezheënung chekeche‐oogemahwandahgoozeyung kuhya chesahsahgewejega‐weneneweyung anahsuhmuhbid Kesha‐Muhnedoo kuhya enewh oosun; tahpeshegandahgooze, kuhya tahmushkahweze kahgenig kuhya kahgenig. Amen.

⁷ Benuh, peëzhah emuh ahnuhquudoong; oogahwahbuhmegoon dush kuhkenuh enewh washkeenzhegoomenejin, pooch enewh kahbuhzhebuhwegoojin: kuhkenuh dush ahnooj azheweenzoojig anduhnuhkeejig oomah uhkeeng ween tahoonje‐wesugguhdamoowug. Mesuh kadezhewabuk. Amen.

⁸ Neen nindow Alpha kuhya Omega, neen wuhyashkud kahahyahyaun kuhya wahyaquahsing kaähyahyaun, ekedoo Tabaningad, owh noongoom ayaud kuhya ayahpun kuhya kapetuhgwishing, owh Mahyahmahwe‐mushkahwezid.

⁹ Neen John wawejekewaëmenenuhgoog, kuhya wahjewinenuhgoog kooduggetooyag, kuhya emuh oodoogemahwewining kuhya oominwahdanduhmoowining Jesus Christ, nindahyahnahbun emuh menising Patmos aduhming, oonje oodekoowin Kesha‐Muhnedoo kuhya oodebahjemegoowin Jesus Christ.

¹⁰ Nindahyahnahbun emuh oojechaugoomaung uhpe Tabaningad ookezhegudoomun, kuhya ningenoondum nepikwunaung anuhkuhkayah ewh kache‐kezhewawamahguk inwawin debishkoo anwawag pootahjegun.

¹¹ Oo‐oo keëgooyaun, Neen nindow Alpha kuhya Omega, netum nindahyahnahbun kuhya ishquauj ningahahyah: kuhya ewh wuhyahbunduhmun oozhebeün emuh muzzenuhguening, kuhya ahnookeen chemahjetuhwindwah egewh anuhmeähjig dabandahgoozejig emuh neezhwahswe oodanahwun emuh Asiaïng: emuh Ephesusing, kuhya emuh Smyrïng, kuhya emuh Pergamosing, kuhya emuh Thyatiraïng, kuhya emuh Sardising, kuhya emuh Philadelphiaing, kuhya emuh Laödiceaïng.

¹² Ningequakekahbow dush chewahbunduhmaun ewh inwawin kahguhnoonegooyaun. Kahquakekahkahweyaun dush ningewahbundaunun neezhwauswahtik oozahwah‐shooneäh‐wahsuhkoonanjegun‐ahtikoon;

¹³ Nahwuhyeëeng dush enewh neezhwaus‐wahtik wahsuhkoonanjegun‐ahtikoon ningewahbuhmah pazhik debishkoo Enene oogwissun azhenahgoozid puhpeensekahwahgun agwid oosittaung aquagudenig, kuhya kekechepezood emuh ookahkegunaung ewh oozahwah‐shooneäh kechepezoon.

¹⁴ Ooshetequaun kuhya wenesisun, mahnishtahnisheoopewyïng keëzhewahbishkahnewun debishkoo kooning, ishkootang dush keëzhenahgwudenewun ooshkeenzhegoon;

¹⁵ Kuhya enewh oosittun kache‐oonesheshing oozahwahbik keëzhenahgwudenewun nangetag emuh ningahpekezeguning; kuhya oodinwawin debishkoo matwajewung keche seebe, keïnwawane.

¹⁶ Oogetuhkoonaun dush emuh ookeche‐neenjeeng enewh neezhwahswe ahnungoon: emuh dush oodooning keöonjeemahgudene ewh kahnaug uhyeduhwuhyeëe ashekeenaug ahzhahwashk; kuhya dush oodangwy keëzhewahsayahmahgudene debishkoo kezhike‐keezis azhewahsayaug uhpe kache‐kazhahtagin.

¹⁷ Kuhya uhpe kahwahbuhmug, ningepungeshin emuh oosittaung debishkoo naboongin. Ningetaungenik dush ookeche‐neenjeeng oonje, oo‐oo keëzhid, Kagoo sagezekan; neen nindow owh netum kahahyaud, kuhya ishquauj kaähyaud:

¹⁸ Nindow owh bamahdezid, kuhya kahnebood; Benuh dush, nekahgega‐bemahdiz, Amen; kuhya nindahyaunun enewh ahnaumuhkummig kuhya neboowine kedahpuhkuhegunun.

¹⁹ Oozhebeün dush enewh uhyeëen kahwahbunduhmunin, kuhya enewh ayaugin, kuhya enewh uhyeëen nahguj kadahyaugin;

²⁰ Mesuh oo‐oo ezhenesittootahgwuk ewh kahwahbunduhmun, egewh neezhwahswe ahnungoog kahwahbuhmudjig emuh nekeche‐neenjeeng, kuhya egewh neezhwaus‐wahtik oozahwah‐shooneäh wahsuhkoonanjegun‐ahbikoon. Egewh neezhwahswe ahnungoog ahwewug egewh neezhwahswe oodangenemewaun egewh anuhmeähjig emuh neezhwahswe oodanahwun; kuhya enewh neezhwaus‐wahtik wahsuhkoonanjegun‐ahtikoon kahwahbunduhmunin, mesuh enewh neezhwahswe oodanahwun emuh ayahwaud anuhmeähjig.