PSALMS 99 - Ottawa New Testament Penteteuch and Psalms 1874

¹ Jehovah keche‐oogemahwe, tahnuhningishkahwug egewh ahnishenahbag: nuhmuhduhbe nahwuhyeëe ayahwaud egewh cherubim, tahnuhningishkahmahgud uhkee.

² Jehovah kechetwahwandahgooze emuh Zioning: ahwahshema keche‐ahpetandahgooze dush ween kuhkenuh ahnooj azheweenzoojig ahnishenahbag.

³ Oogahwahwezhandahnahwah kache‐ahpeetandahgwuk kuhya kwatahmegwuk kedezhenekahzoowin: kechetwahwandahgwud mah.

⁴ Owh mashkahwezid keche‐oogemah oosahgetoon quuhyuk — tebahkoonegawin; kegeühyeenjesittoon quuhyukwahdezewin: quuhyuk kegetebahkoonega kuhya kegemenoochega emuh Jacobing.

⁵ O kechetwahwanemik Jehovah ne‐Kesha‐Muhnedoomenaun: shahgushketuhwik emuh oodahpissedabewining; keche‐peeneze mah.

⁶ Moses kuhya Aaron oosahsahgewejega‐wenenemun, kuhya Samuel owh nanaundoomaud enewh: oogoo oogenuhnaundoomahwaun Jehovahun oogenuhquatahgoowaun edush enewh.

⁷ Oonje ahnuhquudoong oogekuhnoonaun enewh: oogeguhnuhwandahnahwah oodebahjemoowinun kuhya ewh tebahkoonegawin kahmeenaud enewh.

⁸ Kegenuhquatuhwaug, O Jehovah nekesha‐Muhnedoomenaun: kepoonanemaug ahnahween goo kepuhzhunzhaüdwah ooje oomujje‐ezhewabezewinewaun.

⁹ Kechetwahwanemik Jehovah ne‐Kesha‐Muhnedoomenaun, kuhya shahgushketuhmook ewede kachetwahwandahgwudenig oowahjewun: Keche‐peeneze mah Jehovah ne‐Kesha‐Muhnedoomenaun.