PSALMS 98 - Ottawa New Testament Penteteuch and Psalms 1874

¹ O nuhguhmootahwik owh Jehovah ewh ooshke‐nuhguhmoowin: kemahmaundahwejega mah.

² Tebenuhwa ookeche‐neenjing kuhya kachetwahwandahgwuddenig oonikaung: keöondenuhmahzoo ewh mahmauzhetwahwin.

³ Owh Jehovah oogewahweendaun ewh oobemahjeëwawin: kuhya ooquuhyukwahdezewin mezheshuh oogewahbunduhewan, emuh ooshkeenzhegoowaung egewh anuhmeähsigoog.

⁴ Oogemequandaun ewh ooshahwanjegawin, kuhya ewh ootabwawin anuhkuhkayah oowegewaum owh Israel: kuhya wahyaqwahkuhmegaug uhkee anduhnuhkeejig: oogahwahbundahnahwah ewh Kekesha‐Muhnedoomenaun oobemahjeëwawin.

⁵ Mezheshuh moojegezetahwik owh Jehovah menik uhkeeng bamahdezeyag; Nuhguhmoog, wahwezhanduhmoog, kuhya mahmooyahwayook.

⁶ Wahwezhanemik owh Jehovah emuh mezetahgoocheguning: weejnuhguhmootahmook ewh mezetahgoojegun muhmooyahwa‐nuhguhmoowining.

⁷ Kuhya dush enewh pootahjegunun kuhya puhpegwunun anwawamahguk: O moojeganduhmook emuh enahsuhmid owh Jehovah kache‐oogemahwid.

⁸ Mahnoo ewh kechegummee tahoombegwawa-yaushkahmahgud, kuhya kuhkenuh emuh ayahgin: ewh uhkee, kuhya dush egewh emuh anduhnuhkeejig.

⁹ Mahnoo keche‐seebeen tahpuhpusseninjeëkezoomahguddoon, kuhya mahnoo enewh wahjewun mahmahwe tahmoojegezemahguddoon emuh enahsuhmid ewh uhkee, kuhya dush egewh emuh anduhnuhkeejig.

¹⁰ Emuh quuhyuk tebahkoonegawining oogahtebahkoondaun ewh: kuhya oogahtebahkoonaun enewh ahnishenahban emuh quuhyuk‐ezhechegawining.