PSALMS 97 - Ottawa New Testament Penteteuch and Psalms 1874

¹ Keche‐Oogemahwe Jehovah mahnoo tahmoojegezemahgud uhke: tahmoojegezemahgudoon bahyahteënukkin menissun.

² Ookewetaushkahgoon ahnuhquudoon kuhya puhsuhgishkenahmoowin: oodoogemah‐wuhbewin duhgoomahgud emuh quuhyukwahdezewining kuhya menoo‐tebahkoonegawining.

³ Tahnegaunemahgud ishkoota aneëzhaud: chechahgezoonid enewh shaunganemegoojin.

⁴ Uhkee oogewahsashkahgoon oowahwahsuhmoowin: ewh uhkee oogewahbundaun kuhya kesagezemahgud.

⁵ Wahjewun keningetamahgudoon debishkoo ahmoo‐pemedang anahsuhmid Jehovah: anahsuhmid owh Tabandung kuhkenuh anegookwaug uhkee.

⁶ Enewh kezhigoon kedebahjemoomahgudoon azhequuhyukwahdezid: kuhya kuhkenuh ahnishenahbag oowahbundahnahwah oopezhegandahgoozewin.

⁷ Tahahgujjeähwug kuhkenuh egewh bameetah wahjig muzzeneneen: shahgushketuhwik kuhkenuh kenuhwah manetooweyag.

⁸ Zion kenoondum, kuhya kemoojegeze, kuhya keöonahnegwanduhmoon, Judah oodahnun: oonje ketebahkoonegawinun, O Jehovah.

⁹ Keen Jehovah ahwahshema kedishpandahgooz dush ween kuhkenuh uhkee: nahwuj kedoombenegauz dush ween kuhkenuh Muhnedoon.

¹⁰ Kenuhwah suhyahgeäg owh Jehovah sheenganduhmook mujje‐uhyeewish; oobemahjeäun oojechaugwunene enewh anuhmeätahgoojin: ookediskenaun oonje ooneenjewaung egewh maje‐ezhewabezejig.

¹¹ Suhswashkahmahgud wahsayahzewin oonje egewh manoo‐ezhewabezejig: kuhya oonahnegwanduhmoowin oonje egewh quayukoodaäjig.

¹² Moojegezetuhwik Jehovah kenuhwah manoo‐ezhewabezeyag: mahmooyahwahmik maquanduhmagoon oomenoo‐ezhewabezewin.