PSALMS 96 - Ottawa New Testament Penteteuch and Psalms 1874

¹ O nuhguhmootahwik Jehovah ooshkenuhguhmoowin: nuhguhmootahwik Jehovah kuhkenuh akeeweyag.

² Nuhguhmootuhwik Jehovah, wahwezhanduhmook oodezhenekahzoowin: debahdooduhmook oobemahjeëwawin anduhsoo kezheguk.

³ Debahjemootuhwik anuhmeähsigoog azhepezhegandahgoozid: kuhya wahweenduhmahwik kuhkenuh ahnooj azheweenzoojig ahnishenahbag azhemahmaundahwejegad.

⁴ Kechetwahwandahgooze mah Jehovah kuhya tahkeche‐mahmooyahwahmah: ahwahshema tahkoosah dush ween kuhkenuh muhnedoog.

⁵ Kuhkenuh mah ahnishenahba‐muhnedoog muzzenenewewug: Jehovah dush ween oogeöozhetoonun enewh kezhigoon.

⁶ Kechetwahwandahgoozewin kuhya Keche‐oogemahwandahgoozewin ahyahmahgudoon enahsuhmuhbid: mushkahwezewin kuhya pezhegandahgoozewin duhgoomahgudoon emuh oodahnumeä‐weguhmigoong.

⁷ Meenik Jehovah ahnishenahbadoog: meenik Jehovah pezhegandahgoozewin kuhya mushkahwezewin.

⁸ Meenik Jehovah ewh kechetwahwandahgoozewin dabandahgwuk emuh oodezhenekahzoowining: peetog meegewawin kuhya peendegag emuh oowegewauming.

⁹ O shahgushketuhwik owh Jehovah emuh memoo‐ezhewabezewine‐pezhegandahgoozewining: sagezeyook anahsuhmuhbid kuhkenuh kenuhwah akeeweyag.

¹⁰ Wahweendahmahwik egewh mayug‐ahnishenahbag, cheKeche‐oogemahwid Jehovah: uhkee dush tahminjemoosin cheöonjemahmahjesasenook: quuhyuk oogahtebahkoonaun enewh ahnishenahban.

¹¹ Tahmoojegezemahgud ewh keezhig, kuhya tahoonahnegwanduhmoomahgud uhkee: tahmuh twawayaushkah kechegummee kuhya kuhkenuh uhyeëen emuh atagin tahmoojegezemahgudoon.

¹² Tahmoojegezemahgud ketegaun kuhya kuhkenuh uhyeëen emuh atagin; medush uhpe kaöonahnegwanduhmoowaud metigoog emuh metigwuhkeeng.

¹³ Anahsuhmuhbid Jehovah, peëzhah mah peëzhah chetebahkoondung uhkee: menoo‐tebahkoonegawining oogahezhetebahkoondaun uhkee kuhya enewh ahnishenahban emuh oodabwawining.