PSALMS 95 - Ottawa New Testament Penteteuch and Psalms 1874

¹ Umba nuhguhmootahwahdah owh Jehovah: anegookoodaäyung moojegezetahwahdah owh mashkahwezid Bamahjeënung.

² Ezhahdah emuh anahsuhmid chemahmooyahwayung; emuh nuhguhmoowining mezheshuh cheëzhemoojegezetahwung.

³ Ween mah Jehovah Keche Kesha‐Muhnedoowe: kuhya ahwahshema oogemahwandahgooze dush ween kuhkenuh Muhnedoon.

⁴ Emuh oonenjeeng anegookwaug uhkee ootuhkoonaun: kuhya mashkahwezemahgukkin wahjewun ween oodebandahnun.

⁵ Ewh keche‐kechegummee ween oodebandaun, oogeöozhetoon mah: kuhya emuh ooninjeeng kebeoonzekahmahgud e‐ewh pangwuhkumegaug uhkee.

⁶ Umba shahgushketahwahdah kuhya neseepuggezoodah; cheöojecheengwuhnetahwung owh Jehovah kahoozheënung.

⁷ Ween mah Jehovah Kekesha‐Muhnedoomenaun ahwee: kuhya dush kenuhwind oonejahnesun ashummahjin kedahwemin, kuhya oomahnishtahneshemun kahoozheähjin.

⁸ Noongoom kezheguk kishpin noonduhmoowagwan oodinwawin, kagoo mushkahwahtookagoon kedaëwaun: debishkoo kuhgaunjeëdewining kuhya kuhgwatebanedewining ewede bahgwuhduhkummig;

⁹ Uhpe koosewaug kahkuhgwatebanemewaud: kahpuggukkanemewaud, kahwahbundahmoowaud nindahnookeewinun.

¹⁰ Nemeduhnah duhsoo kekenoonoowinun, ningenishkanemaug oogoo kuhya dush ningeëkid; Mesuh goo bamahdezejig bakatahjig emuh oodaëwaung, kah mah oogekekandusssenahwah nemeekunun.

¹¹ Mesuh oogoo kahenuggig emuh nenishkahdanduhmoowining, chepeendegasigwah emuh nindaunwabewining.