PSALMS 94 - Ottawa New Testament Penteteuch and Psalms 1874

¹ Kesha‐Muhnedoo dabanduhmun ahzhittahwahegawinun: Jehovah Kesha‐Muhnedoo dabanduhmun ahzhittahwahegawinun wahsayahzin.

² Puhsegween, O keen tabahkoonuhmun uhkee: ahzhittah‐doodow egewh mamenahdezejig.

³ Ahneen menik, egewh maje‐ezhewabezejig: Jehovah ahneen menik kamahmauzhetwahwaud egewh maje‐ezhewabezejig?

⁴ Ahneen menik kakekedoowaud sanuggukkin ekedoowinun: kuhya kuhkenuh maje‐ezhechegajig kamuhmequahzoowaud.

⁵ Oobahnahjeähwaun kedahnishenahbamun, O Jehovah: kuhya oodoojahnemetoonahwah uhkee dabanduhmun.

⁶ Oonesahwaun enewh shegaun kuhya enewh mayahdahwezenejin: kuhya oonesahwaun enewh kahwezenejin.

⁷ Pooch oo‐oo ekedoowug, Kahween Jehovah oogahwahbunduhseen: kah kunya Jacob ookesha‐Muhnedoomun oogahbahmanduhseen.

⁸ Nahnahgahdahwanduhmoog kenuhwah ahwaseeng azhewabezeyag ahnishenahbadoog: kuhya kenuhwah kakebahdezeyag ahneen uhpe kanebwahkahyag?

⁹ Owh kahoozhetood ootahwugahmah kahnahween tahnoonduhse? Owh kahoozhetood ooshkinzhegoomah kahnah ween tahwahbese?

¹⁰ Owh pazhunzhaäud ahnooj azheweenzoonejin ahnishenahban kahnuh ween tahpuhzhunzhaëwase? Owh kakenooähmahwaud enenewun kekandahsoowin.

¹¹ Jehovah ookekandahnun oonahnahgahdahwanduhmoowinewaun egewh enenewug; kuhnuhga ningood cheënahbuttussenoonig.

¹² Shahwandahgooze suh owh enene keen pazhunzhawud, O Jehovah: kuhya kakenooähmahwud oonje ketebahkoonegawining.

¹³ Cheaunwabeüd uhpe ahyahnemezejin: nahnauzh wahnekahdamahgudenig wahnekaun kapeenjesawaud egewh maje‐ezhewabezejig.

¹⁴ Kah mah Jehovah oogahwabenahseen enewh oodahnishenahbamun: kah dush oogahnuhguhdunseen tebenuhwa ooduhkeem.

¹⁵ Quuhyuk mah tahtebahkoonegamahgud ewh tebahkoonegawin: kuhkenuh dush egewh quuhyukoodaäjig oogahnoopenuhdahnahwah.

¹⁶ Ahwanan kapuhsegweed cheweedookahwid wemujje‐doodahwewaud egewh maje‐ezhewabezejig? Ahwanan kanahdahmahwid wemegahnugwah egewh mahkindungig mujje‐uhyeëewish?

¹⁷ Kishpin keweedookahwesigebun Jehovah: wuhyebah ninjechaug oodahgeähbeetaun ishquahwawin.

¹⁸ Uhpe kahekedooyaun ningeöozhahsheshin: ninpemeähsoonegoon keshahwanjegawin, O Jehovah.

¹⁹ Ashenuk nenahnahgahdahwanduhmoowinun peenjenuh nindaïng: ninjechaug oogemenoo‐daäshkahgoon kemenoodaäshkahgawinun.

²⁰ Kegahweedookahgoon enuh ewh mujje‐ezhewabezewine‐oogemah‐wuhbewin: owh wazhetood mujje‐uhyeëewish oonje tebahkoonegad.

²¹ Mahoonjeëdewug chemegahnahwaud enewh oojechaugwun owh manoo‐ezhewabezid: kuhya oonahneboondahnahwah ewh maje‐ezhechegamahgussenook misquee.

²² Neguhnuhwanemik suh Jehovah: Ne‐Kesha‐Muhnedoom ahwe azhebik azhenezhemooyaun.

²³ Oodahzhettahwahaun oonje oomujje‐ezhewabezewinewaun, kuhya oogahnesaun emuh tebenuhwa ookuhkebahdezewinewaung: aahe Jehovah Kekesha‐Muhnedoomenaun oogahnesaun enewh.