PSALMS 92 - Ottawa New Testament Penteteuch and Psalms 1874

¹ Keche‐Oonesheshin suh chemahmooyahwahmind owh Jehovah: kuhya chewahweenjegahdag kedezhenekahzoowin emuh nuhguhmoowining mahyahmahwe‐ishpandahgoozeyun.

² Chewahweenjegahdag keshahwanjegawin kakeshabahwukkin: kuhya kedabwawin tabekukkin.

³ Buhkaun doowun muhtwawajegunun ayooyaun; ewh Kache‐muhtwawamuhguk muhtwawajegun.

⁴ Keen mah Jehovah kebahpenanduhmow oonjekedahnookeewin: ningahwahwezhandahnun enewh ahnookeewinun kahoozhetooyunin.

⁵ O Jehovah kagate keche‐ahpeetandahgwudoon kedahnookewinun: kuhya keche‐demeemahgudoon kenahnahgahdahwanduhmoowinun.

⁶ Owh ahwaseeng azhewabezid enene kahween oonahnahgahdahwanduhseen oo‐oo; kah kuhya owh kakebahdezid enene oonesittootunseen.

⁷ Uhpe suhyahgukkewahjin egewh maje‐ezhewabezejig debishkoo mushkoosewining: uhpe dush mahyahjegewahjin kuhkenuh egewh mahkindungig mujje‐ezhewabezewin: chekahgega‐bahnahdezewaud mesuh wanjeëzhewabuk: keen atuh Jehovah kemahmahwe‐ishpandahgooz kahgenig.

⁸ Benuh, O Jehovah, tahnishwahnahdezewug egewh shaunganemikig: kuhya kahsuhswashkuhwahwug kuhkenuh egewh mahkindungig mujje‐ezhewabezewin.

⁹ Kegahoombenaun atuh nindashkun debishkoo wadashkunid papazhegoogunzhe; nenuhmuhkoone goo ooshke pemeda.

¹⁰ Nishkinzhegoong ningahwahbuhmaug egewh mahgahzhejig chedoodahwindwah debishkoo azhenunduhwanduhmaun: kuhya netuhwugaung ningahnoondum chedoodahwindwah egewh maje‐ezhewabezejig debishkoo azhenundahwanduhmaun.

¹¹ Debishkoo azhemekoogid palminegahwunzh mesuh kaëzhemenoo‐ahyaud owh manoo ezhewabezid: tahmahjege debishkoo Lebanoning duhzhe‐gezhik.

¹² Egewh asindjig emuh oowegewauming owh Jehovah; tahmekoogewug emuh oodahbenahsoowining Kekesha‐Muhnedoomnnaun.

¹³ Tahmenewewug uhpe katezewaud: tahweninoowug kuhya tahmenooahyahwug.

¹⁴ Cheöonjekekandahgoozid, owh Jehovah, chequuhyukwahdezid; nindahzhebikoom‐ahwe kah dush kuhnunga ookekishkunseen gagoo mujje‐ezhewabezewin.