PSALMS 91 - Ottawa New Testament Penteteuch and Psalms 1874

¹ Owh andaud emuh ookeemoodezewining owh mahyahmahwe‐ishpandahgoozid: tahduhneze emuh anduhzhe ahgahwahtashkahgood mahyahmahwe‐ishpandahgoozenejin.

² Oo‐oo ningahenah, keen Kesha‐Muhnedoo kedow nindezhenezhemoowin kuhya swaungung newah kahegunim: ne‐Kesha‐Muhnedoom kaähpanemug.

³ Kagate ningahkediskenik oonje oonahgwahguning owh kaöosad: kuhya mujje‐ahkoosewining.

⁴ Ahnaum ningwegunaung kegahguhnuhwanemik: kuhya ahnaum ooningwegunaung kegahuhpanemoon: oodabwawin debishkoo kedushwewining tahezhewabud.

⁵ Kahween kegahkootunseen owh quatahmegwuk magwah tebekuk: kah kuhya kegahkootunseen ewh kenwaukwunween pamesamahguk magwah kezheguk.

⁶ Kah kuhya kegahkootunseen ewh mujje‐ahkoozewin babahmoosamahguk magwah kushke‐tebekuk: kuhya ewh ahkoosewin nashewamahguk nuhyahwuhquag.

⁷ Metauswauk tahkahwesawug emuh kepemayowing: kuhya metahching metauswauk emuh kekechenikaung: kah dush pashoo kegahoodissegoose.

⁸ Kishkinzhegoon atuh kegahwahbundaun: ootebahahmahgoowinewaun egewh maje‐ezhewabezejig.

⁹ Keen mah Jehovah nindezhenezhemoowin kedow: mayahmahwe‐ishpandahgoozïd ahwe kewegewaum.

¹⁰ Kahween mujje‐uhyewish kegahoodissegooseen; kah dush gagoo mujje‐ahkoosewin pashoo kewegewauming tahtuhgwishenoomahgussenoon.

¹¹ Oogahguhnoonaun enewh oodangenemun cheguhnuhwanemikwah: chebemahjeïkwah emuh kuhkenuh kemeekunaung.

¹² Emuh ooneenjewaung kegahahsoonegoog: chepukkedashinsewun emuh ahsineeng.

¹³ Kegahtuhkookahnaug owh mezhebeshee kuhya mujje‐kenabigoons: kegahtuhkookahnaug mezhebesheens kuhya keche‐kenabigoon.

¹⁴ Oonje keähtood oosahgeëwawin emuh neyowing mesuh kaönjebemahjeüg: ningahahsah ewede ishpeming oonje kekekandung nindezhenekahzoowin.

¹⁵ Ningahnuhnaundoomik kuhya ningahnuhquatuhwah: ningahweejewah uhpe ahyahnemezejin; ningahbemahjeäh kuhya ningahkechetwahweäh.

¹⁶ Ningahtabeäh kenooazh chebemahdezid: kuhya ningahwahbundahah nebemahjeëwawin.