PSALMS 90 - Ottawa New Testament Penteteuch and Psalms 1874

¹ Jehovah, nindahbewinenaun kedow: kahgenig ahpena kahgenig.

² Chepwah kenegeemahguk enewh wahjewun kuhya chepwah keöozhechegahdag uhkee: keen kegeKesha‐Muhnedow kahgenig kuhya kahgegakummig.

³ Keweyuggussaäh enene: kuhya oo‐oo kedenah, Ezhekewag wandahdezeyag kenuhwah ahnishenahbawedoog.

⁴ Debishkoo pechenahgoo kedenandum kahmetauswauk duhsoo pepoonahguk: gamuh debishkoo kahnewoo‐tebahegunag tabekuk.

⁵ Kedezheäug chewabahboogoowaud mwaushkahung, nebahwining ezheähyahwug: kekezhab debishkoo mushkoosewining ezheneboodazoowug.

⁶ Kekezhab oozhahwushquahbuhgah kuhya mahjegemahgud: wanahgooshig edush kishkezhegahda kuhya nebooda.

⁷ Oonje mah nishkahdezeyun nebahnahdezemin: kuhya oonje keche‐nishkahdezeyun nemegooshkahdandahmin.

⁸ Kegeähtoonun nemujje‐ezhewabezewinenahnin emuh anahsuhmeyun: kuhya uhpena kewahbundahnun nekeemoodezewinenahnin oonje wahsayaug kedangwy.

⁹ Keïshquahsamahgudoon nekezhegudoomenahnin oonje nishkahdezeyun: kuhya debishkoo ahjinah nahnahgahdahwanduhming ezheähyahmahgudoon nekekenoonoowinenahnin.

¹⁰ Neezhwahsoo‐meduhnuh pepoon nebemahdezemin, kishpin dush ahweyah ishwahsoo‐meduhnuh pepoonuhgezid oonje mushkahwezid: suhnuhgudene kuhya ketemahgudene oomushkahwezewin oonje wuhyebah mahjahmahgudenig, medush chemahjebezooyaung.

¹¹ Ahwanan kakandung azhemushkahwezemahguk kenishkahdezewin? kenishkahdezewin wanje‐koosigooyun.

¹² Kekenooähmahweshenaum cheähginduhmaung nekesheguddoominahnin: ningahpeetoomin dush nabwahkahmahguk oodaëmah.

¹³ Nayaub penaunzahkahweshenaum Jehovah! Ahneen menik kaöondandeyun: Mahnoo aunwanindezoon oonje kebuhmeetahgunug.

¹⁴ Kekezhab tabesineëshenaum keshahwanjegawin: medush kaöonjemoojegezeyaung kuhya kaöonjebahpenanduhmaung menik kabemahdezeyaung.

¹⁵ Menik kezhegudoon kahkooduggeëyaung, me menik kabahpenanduhmooëyaung: menik kekenoonoowinun kewahbunduhmaung ketemahgezewin.

¹⁶ Wahbundahow kebuhmetahgunug kedahnookewin: kuhya kenejahnesug kepeshegandahgoozewin.

¹⁷ Mahnoo ningahahyahmin oominwahbuhmenahgoozewin owh Jehovah nekesha‐Muhnedoomenaun. Uhyeenjesittoomahweshenaum nindahnookeewinenaun: menungakah uhyeenjesitton nindahnookewinenaun.