PSALMS 89 - Ottawa New Testament Penteteuch and Psalms 1874

¹ Ningahnuhguhmootaunun ooshahwanjegawinun owh Jehovah kahgenig; ningahdebahjemootuhwaug egewh kaähneka‐bemahdezejig azhenetuhdabwayun, nindoon kaähyooyaun.

² Oo‐oo mah ningeëkid: kahgenig tahoozhechegahda keshahwanjegawin debishkoo wahkaheguning: kegahuhyeenjesittoon kedabwawin emuh ishpeming kezhigoong.

³ Ninkezheetoomahwah owh kahwuhwanahbuhmug ewh wahweendahmahdewin: ningemushkahwe‐wahweenduhmahwah nebuhmetahgun David.

⁴ Kahgenig ningahuhyeenjeäug kenejahnesug: kuhya kahgenig uhpena kahgenig ningahuhyeenjesitton kedoogemah‐wuhbewin.

⁵ Jehovah kemahmaundahwejegunun wahweenjegahdanoon ewede kezhigoong: kuhya kedabwawin emuh anduhzhe‐mahooonjeëdewaud egewh anuhmeähjig.

⁶ Ahwanan mah ewede kezhigoong ayaud anandahgoozid debishkoo anandahgoozid Jehovah? Ahwanan anduhchenid oogwissewaun mashkahwezejig azhewabezid debishkoo azhewabezid Jehovah?

⁷ Keche‐kootahmegooze Kesha‐Muhnedoo emuh keemooj anduhzhe‐kahkekedowaud egewh anuhmeähjig: enandahgooze chekoosegood enewh kawetahkahbahwetahgoojin.

⁸ O Jehovah Kesha‐Muhnedoo dabanemudwah egewh waqueenoojig, ahwanan azhemushkahwezid debishkoo keen azhemushkahwezeyun; kuhya kekewetaushkahgoon kedabwawin.

⁹ Kedoogemahkundaun kechegummee nashkahduk: uhpe mamaungaushkaug kedookesittoonun enewh tegoowun.

¹⁰ Kepegoosittoon Rahab debishkoo ahweyah nasind: mashkahwezemahguk keneenj ayooyun kegesuhswanahzhahwaug egewh mahgahnikig.

¹¹ Keen kedebandaunun kezhig kuhya uhkee: kuhya kegeöozhetoonun kuhkenuh uhyeëen emuh atagin.

¹² Kegeöozhetoonun kewadin kuhpa shahwuhnuhoon; Tabor kuhya Hermon moojegezemahgudoon emuh kedezhenekahzoowining.

¹³ Kemushkahwenikan: mushkahwezemahgud keneenj, ishpandahgwud kekeche‐neenj.

¹⁴ Kedoogemah‐wuhbewin duhgoomahgud emuh quuhyukwahdezewining kuhya menoo‐tebahkoonegawining; emuh anahsahmingwayun tahezhahmahgudoon shahwanjegawin kuhya dabwawin.

¹⁵ Shahwandahgoozewug egewh ahnishenahbag kakandungig ewh moojegetahgoozewin: tahbemoosawug Jehovah emuh azhewahsayaug kishkinzhegoon.

¹⁶ Kedezhenekahzoowining tahoonjemoojegezewug kuhpa kezhig; kuhya kequuhyukwahdezewining tahoonjekechetwahwandahgooähwug.

¹⁷ Keen suh kedow owh wanjepezhegandahgwudenig oomushkahwezewinewaun: emuh dush keshahwanjegawining tahoonjenoombenegahda nind-dashkunenaun.

¹⁸ Keguhnuhwanemegoonaun mah Jehovah: owh kache‐peenezid emuh Israeling kekecheöogemahmenaun ahwe.

¹⁹ Me uhpe, keguhnoonud owh pahnezid kemeezhenuhwam emuh enahbunduhmoowining oo‐oo keenud: ningemeenah owh mashkahwezid neweedookahgawin: ningekechetwahweäh pazhig kahkuhgegenug oonje ahnishenahbag.

²⁰ Ningemekahwah David nebuhmeetahgun: ningenuhmuhkoonah ewh pahnuk nenahmuhquewin.

²¹ Kahgenig oogahweejewegoon neneenj: oogahmushkahwezeëgoon nenik.

²² Kahween oogahmujje‐doodahgooseen nashkaninganejin: kah dush oogahkooduggeëgooseen enewh maje‐ezhewabezenejin.

²³ Ningahniswabenuhmahwah enewh mahgahnegoojin: kuhya ningahpukkedaäug enewh shaunganemegoojin.

²⁴ Uhpena oogahweejewegoon nindabwawin kuhya neshahwanjegawin: tahoombenegahdane dush oodashkun nindezhenekahzoowin oonje.

²⁵ Ningahahtoon ooneenj emuh kechegummeeng: kuhya ookeche‐neenj emuh seebeeng.

²⁶ Ningahnahnaundoomik oo‐oo dush ningahik. Noos kedow ne‐Kesha‐Muhnedoom, kuhya bamahjeëwamahguk nindahzhebikoom.

²⁷ Debishkoo andoodahwind netumoojaun mesuh kadoodahwug: nahwuj tahishpandahgooze dush ween uhkeeng duhzhe keche‐oogemaug.

²⁸ Kahgenig ningahguhnuhwanduhmoowah neshahwanjegawin: kahwahweendahmahwug ahbetakummig ningahezhechega.

²⁹ Oonejahnesun kahgenig tahahyahwun: kuhya oodoogemah‐wuhbewin debishkoo kezhigoong duhshe kezhegudoon.

³⁰ Kishpin ooneejahnesun nuhguhduhmoowaud netebahkoonegawin: kuhya kishpin bemoosasigwah emuh nekuhgequawining.

³¹ Kishpin pegoobetoowaud nekuhgequawinun: kuhya weguhnuhwanduhsigwah netebahkoonegawinnun.

³² Mesuh kapuhzhunzhaügwah oonje oomujje‐ezhewabezewinewah: kuhya ningahpukkedaäug oonje ookuhkebahdezewinewaun.

³³ Pooch enunga ningahahpeche muhkummaug neshahwanjegawin: kah dush ningahpeegoobetooseen nindabwawin.

³⁴ Kahween ningahbahnahjetooseen newahweendahmahgawin: kah dush ninquaketooseen ewh kahsahgahumoomahguk oonje nindooning.

³⁵ Ahbeting ningewahweendaun nemenooëzhewabezewin kewahweendahmahgayaun: kahween ninkuhkenuhwishketuhwahse David.

³⁶ Oonejahnesun kahgenig tahahyahwun: kuhya oodoogemah‐wuhbewin debishkoo keezisoong anahsuhmeyaun.

³⁷ Debishkoo azheminjemoosing owh tebikekeezis kahgenig: kuhya debishkoo duhyabwad dabahjemood emuh kezhigoong.

³⁸ Kegewabenah dush ween, kuhya kegesheenganemah owh kahnuhmuhkoonud: kegenishkanemah suh.

³⁹ Kegepegoobetoon oowahweendahmahgawin owh kebuhmeetahgun: kegeähpuggedaun oodoogemah‐wewuhquaun emuh uhkeeng.

⁴⁰ Kegeniswabenaunun kuhkenuh oomechekunun: kuhya kegebahnahjetoonun oowahkahegunun.

⁴¹ Ookeemoodemegoon enewh bamoosanejin: oobahpenuhdahgoon enewh weejeduhnuhkewamahgunun.

⁴² Kegeöombenuhmahwaug ookeche‐neenjewaun enewh mahgahnegoojin: kegepuggedenuhmahwaug kuhkenuh enewh shaunganemegoojin chemoojegezenid.

⁴³ Kegeähzheyahbikkesetoon oodahzhe washkoom: kah dush kegenebahweähse uhpe mahgahding.

⁴⁴ Kebahnahjetuhmahwah oopezhegandahgoozewin: kuhya kegeniswabenaun oodoogemah‐wuhbewin peenish uhkeeng.

⁴⁵ Kegetahquahtoonun oodooshkenegewine‐kezhegudoomun: kegekeche‐ahgujjeäh.

⁴⁶ Ahneen menik kakahzooyun Jehovah? Kahgenig enuh; ishkootang enuh tahenahketa kenishkahdezewin?

⁴⁷ Mequandun azhetuhquahbeguk ninbemahdezewin: ahnishwin ahneshah keöozheüdwah enenewug?

⁴⁸ Ahwanan owh enene bamahdezid, kawahbunduhsig edush neboowin: oogahbemahjeäun enuh oojechaugwun cheëzhahsenig emuh chebaguhmigoong.

⁴⁹ Jehovah ahneende azhahmahguk kuhyet keshahwanjegawinun: enewh kahkeche‐wahweenduhmahwud David emuh kedabwawining?

⁵⁰ Mequandun, O Tabaningayun azhebahpenuhdoowindwah kebuhmeetahgunug: azhepemewetooyaun emuh nepeendoomooning oonuhneebikingawinewaun kuhkenuh mashkahwezejig ahnishenahbag.

⁵¹ Enewh azhenuhneebikemewaud, Jehovah: azhenuhneebekinduhmoowaud ootuhkookeewinun owh namuhkoonud.

⁵² Tahmahmooyahwahmah Jehovah kahgenig: Amen kuhya Amen.