PSALMS 88 - Ottawa New Testament Penteteuch and Psalms 1874

¹ O Jehovah Kesha‐Muhnedoo, bamahjeëyun: kegenuhnaundoomin kahzhegukkin kuhya tabekukkin.

² Mahnoo kegahoodissegoon nindahnuhmeäwin: bezinduhmooweshin nindahnuhmeäwin.

³ Nekeche‐kooduggettoo emuh ninjechaugoong: ninbemahdezewin dush pashoo tuhgwishenoomahgud emuh chebaguhmigoong.

⁴ Neduhgoo‐uhgemegoo egewh ezhahjig ahnahmuhkummig: nindezheähyah debishkoo enene kuhnuhga mashkahwezesig.

⁵ Newabenegauz emuh anduhzhe‐ahyahwaud egewh nasindjig shageshingig emuh chebaguhmigoong: egewh maquanemahsewudjig keen mah kegenesaug.

⁶ Kegeähtoon neyow emuh ahpeche ahnahmahkummig: emuh akoo‐kushketebekuk kuhya emuh akoo‐demeeg.

⁷ Keche‐koosegwun kenishkahdezewin emuh neyowing: kuhya kegekooduggewh kuhkenuh enewh ketegoowun.

⁸ Wahsuh kegeähsaug egewh kakanemugig: kegeëzheäug chekuhgwahnesugganemewaud: nekebahgwahegauz, kah dush nekushketoose chesahguhahmaun.

⁹ Bahnahdud nizhkinzhik oonjekoodugganduhmowin; andusoo‐kezhik kegenuhnaundoomin, O Jehovah; ningeshebinikan keen anuhkuhkayah.

¹⁰ Kegahmahmaundah‐doodahwaug enuh egewh naboojig? Tahpuhsegwewug enuh egewh chebuyug chewahwezhanemikwah?

¹¹ Tahwahweenjegahda nuh keshahwanjegawin emuh chebagummigoong: kuhya kedabwawin emuh bahnahdezewining.

¹² Tahkekanjegahdanoon enuh akoo‐kushke‐tebekuk: kuhya kequuhyukwahdezewin emuh wuhnanduhmoowine‐uhkeeng?

¹³ Kenuhnaundoomin, O Jehovah: kakezhabahwahgukkin kegahoodissegoon nindahnuhmeäwin.

¹⁴ Ahnishwin, O Jehovah, kawabenud ninjechaug: kegahkahdoon nah kishkinzhegoon chewahbunduhsewaun?

¹⁵ Neketemahgiz kuhya nenetuhnib pahahkooooshkenegeyaun: oonjekooduggeëyun nepwahnuhwetoo.

¹⁶ Nishtequauning kepeëzkahmahgudoon kenishkahdezewinun: nihgebahnahjeëgoo oonje sagemeyun.

¹⁷ Ningekewetaushkahgoonun debishkoo tegoowun kuhpa kezhik: kewetuhyeëe mahmahwe ningeöodisegoonun.

¹⁸ Wahsuh kegëahsah owh suhyahgeïd kuhya owh wahdookahwid: egewh kakanemugig ahyahwug emuh akoo‐kushketebekuk.