Biblia Todo Logo
Bìoball air-loidhne

- Sanasan -

PSALMS 86 - Ottawa New Testament Penteteuch and Psalms 1874

1 Puhgedenun ketuhwugoon, O Jehovah, chebezindahweyun: neketemahgiz mah kuhya newuhwahniz.

2 Guhnuhwanim ninjechaug, neen mah nindow pazhig kashahwanemeyun: O neKesha‐Muhnedoom bemahjew kebuhmeetahgun apanemik.

3 Shahwanemeshin, O Tabaningayun: kedahnuhmeätoon mah kuhpa kezhig.

4 Mahnoo puggedenuhmow kebuhmeetahgun chemoojegezid emuh oojechaugoong: keen mah anekuhkayah nindoombenah ninjechaug.

5 Keen mah Kesha‐Muhnedoo kekeshawahdiz kuhya kenetah‐shahwanjega: kuhya kekeche‐shahwanemaug egewh anuhmeätookig.

6 Bezindun nindahnuhmeäwin, O Jehovah: kuhya nahnahgahdahwandun nindahnuhmeätahgoozewinun.

7 Uhpe katemahge‐kezheguk kegahnuhnaundoomin: kegahnuhquatow mah.

8 Anduhchewaud muhnedoog kahween ahweyah ezhewabezese debishkoo keen azhewabezeyun Tabaningayun: kah kuhya ahweyah oodahnookewinun ezhewabussenene debishkoo keen kedahnookeewinun.

9 Kuhkenuh ahnishenahbag kahoozheüdjig kegahpeshahgushketahgoog, O Tabaningayun: kuhya oogahwahwezhandahnahwah kedezhenekahzoowin.

10 Kekeche‐ahpetandahgooz mah kuhya kenetuh‐mahmaundahwejega: keen mah atuh keKesha‐Muhnedow.

11 Suhgahbegeneshin, O Jehovah, emuh kemeekunaung, ningahbemoosa emuh kedabwawining: soongedaäëshin chekootuhmaun kedezhenekahzoowin.

12 Kegahwahwezhanemin, O Tabaningayun, anegookoodaäyaun: kuhya ningahkechetwahwandaun kedezhenekahzoowin kahgenig.

13 Kagate mah kegekeche‐shahwanim: kuhya kegebemahjeäh ninjechaug cheëzhahsewaun emuh ahpeche ahnahmuhkummig.

14 O Kesha‐Muhnedoo, kepuhsegwewug egewh mamenahdezejig wemujje‐doodahwewaud: kuhya buhyahpenuhdahgajig kemahwunjeëdewug chemujje‐doodahwahwaud ninjechaugwun, kah dush kebahmanemegooseeg.

15 Keen, O Tabaningayun, kashawahdezid kuhya shawanjegad muhnedoo kedow: keshuhshebandum, kuhya bahtuheïnudoon keshahwanjegawin kuhya kedabwawin.

16 O nayaub penaunzekahweshin, kuhya shahwanemeshin: meezh kebuhmeetahgun kemushkahwezewin, kuhya bemahjewh enewh oogwissun owh kebuhmeetahgun‐equam.

17 Wahbundaheshin kekenoowahjechegun chekekanduhmaun wemenoo‐doodahweyun, cheöonje‐wahbunduhmoowaud egewh shaunganemejig, cheähgujjewaud edush: keen gooshah Jehovah kegeweedookow kuhya kegemenoodaäewh.

Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.

Canadian Bible Society
Lean sinn:



Sanasan