PSALMS 85 - Ottawa New Testament Penteteuch and Psalms 1874

¹ O Jehovah kegeshahwandaun keduhkeem: kegenaunzekahwah owh Israel kabahquahegahzood.

² Kegeëkoonuhmahwaug kedahnishenahbamug oomujje‐ezhewabezewinewaun: kegekahdoonun kuhkenuh oomujje‐ezhechegawinewaun.

³ Kegepoonekedaus nashkanemudwahpun: kege wabenaun kache‐kezhetag kenishkahdezewin.

⁴ Quakeëshenaum O Kesha‐Muhnedoo bamahjeëyaung: poonetoon kenishkadezewin azhenishkanemeyaung.

⁵ Kahgenig enuh kegahnishkanemim: kahgenig nuh uhpena kahgenig kegahguhnuhwaudaun kenishkahdezewin azhanishkanemeyaung?

⁶ Kahnahween menuhwah gegahpiskahbese chebemahjeëyaung: cheöonje‐moojegezetuhwikwah kedahnishenahbamug.

⁷ Wahbundaheshenaum keshahwanjegawin Tabaninegayun: kuhya meezheshenaum kebemahjeëwawin.

⁸ Ningahnoondaun ewh kaëkedood owh Jehovah Kasha‐Muhnedoowid: oogahdebahjemootuhwaun enewh oodahnishenahbamun kuhya anuhmeätahgoojin pezaunezewin: kahween menuhwah tahezhahsewug emuh kuhkebahdezewining.

⁹ Pashoo duhgoomahgudene oobemahjeëgoowinewaun egewh quasahjig Kesha‐Muhnedoon: chekechetwahwandahgwuk keduhkeemenaun.

¹⁰ Shahwanjegawin kuhya dabwawin kenuhquashkahdahdemahgudoon: quuhyukwahdezewin kuhya pezaunaninpewin kköojindemahgudoon.

¹¹ Uhkeeng oonjegin dabwawin: kuhya quuhyukwahdezewin ishpeming tahoonzahbemahgud.

¹² Jehovah oogahmeegewan ewh wanesheshing: kuhya tahkechenetahwugin keduhkemenaun.

¹³ Oogahnegaunetahgoon quuhyukwahdezewin: kuhya ningahahsigoonaun emuh oomeekunaung anduhzhe‐tuhkookeed.