PSALMS 84 - Ottawa New Testament Penteteuch and Psalms 1874

¹ Kagate minwandahgwudoon kewegewaumun: O Jehovah tabanemudwah waqueenoojig.

² Ninjechaug oonundahwandaun kuhya noondashin apeech mahmedahwanduhmann oodahwin owh Jehovah: emuh nindaïng kuhya emuh neyausing nemookahwahnah owh bamahdezid Kesha‐Muhnedoo.

³ Menungakah, owh penasheense oogemekaun wegewaum kuhya owh shahshahwuhnebesse oogemekaun oosuhswun kaähsaud enewh puhnuhjahyun: kesahsahgewejegunahbikoom O Jehovah dabanemudwah waqueenoojig nindoogemaum kuhya neKesha‐Muhnedoom.

⁴ Shahwandahgoozewug egewh abeetungig kewegewaum: uhpena mah kegahwahwezhanemegoog.

⁵ Shahwaudahgooze owh enene wandenung oomushkawezewin emuh keen kemushkahwezewining: ayaungig keche meekunun emuh oodaëwaung.

⁶ Uhpe shuhyahbooshkuhmoowaud akoopussahdenaug anduhzhe muhwing oodoondenahnahwah neebe: kemewung dush oonjemooshkenabeeg enewh sahgeëgaunsun.

⁷ Ashkum kuhya ashkum mushkahwezewug; oowahbuhmegoowaun enewh Kesha‐Muhnedoon emuh Zioning.

⁸ O Jehovah Kesha‐Muhnedoo dabanemudwah egewh waqueenoojig bezindun nindahnuhmeäwin: bezinduhweshin O keen waKesha‐Muhnedoomik owh Jacob.

⁹ O keen nindushwewinewaun ayahweyun: Oh Kesha‐Muhnedoo wahbundun ooshkinzhegoon owh namuhkoonud.

¹⁰ Abwanshema oonesheshin pazhig kezhegud emuh kewegewauming dush ween metauswauk kezhegudoon: nahwuj nindahgeminwandum cheguhnuhwanduhmaun ishquandam emuh oowegewauming neKesha‐Muhnedoom, dush ween chedahyaun emuh oowegewaumewaung egewh maje‐ezhewabezejig.

¹¹ Nekezisoon kuhya nindushwewin mah ahwe owh Jehovah Kesha‐Muhnedoo: Jehovah oogahmeegewan shahwandahgoozewin kuhya kechetwahwandahgoozewin: kahween oogahsahgetoomahwahseen enewh bamoosanejin emuh quuhyuk meekunaug gagoo wanesheshing.

¹² Jehovah dabanemudwah egewh waqueenoojig: shahwandahgooze owh enene apanemik.