PSALMS 83 - Ottawa New Testament Penteteuch and Psalms 1874

¹ Kagoo pezaunubekan O Kesha‐Muhnedoo: kagoo ishquahwakan O Kesha‐Muhnedoo.

² Noondahgoozewug gooshah egewh mahgahnikig: kuhya oombequanewug ewewh shaunganemikig.

³ Kuhkuhyanezewug mah egewh kahkeekedoojig chemegahnahwaud kedahnishenahbamun: kuhya kuhnoonindewug chemujje‐doodahwahwaud enewh kuhyahnudenejin.

⁴ Oo‐oo keëkedoowug, umba bahnahjeähdwahnig cheähnishenahbawesigwah: kah dush menuhwah wekah tamequanjegahdane oodezhenekahzoowin owh Israel.

⁵ Anegook keguhnoonindewug: weedookahdahdewug chemegahnikwah.

⁶ Oowegewaumewaun egewh Edomiteüg kuhya egewh Ishmaelitüg: Moab kuhya egewh Hagareneüg.

⁷ Gebal kuhya Ammon kuhya Amalek: Philistia kuhya egewh wahdatoojig emuh Tyreïng.

⁸ Oogeweedookahgoonahwah dush Assyria: oogenahdahmahwahwaun enewh oonejahnesun owh Lot.

⁹ Doodow debishkoo kahdoodahwud owh Midian: kuhya kahdoodahwudwah Sisera kuhya Jabin: emuh akoo‐pahsuddenaug azhetequayaug Kishon seebeens.

¹⁰ Kebahnahjeähwug ewede Endoring: moong keënandahgoozewug emuh uhkeeng.

¹¹ Doodow enewh oodoogemahmewaun debishkoo kahdoodahwindwah Oreb kuhya Zeeb: kuhya tahdoodahwahwun kuhkenuh oodoogemahmewaun debishkoo kahdoodahwindwah Zebah kuhya Zalmunna.

¹² Egewh oo‐oo kahekedoojig, Mahnoo oodahpenundah: oowegewahmun owh Kesha‐Muhnedoo chedebanduhmung.

¹³ O neKesha‐Muhnedoom mahnoo tahezhewabezewug debishkoo azhewabuk shegooshkahjegun: wuhyabahsing oonje keche‐nooding.

¹⁴ Debishkoo suhkittag metigwuhkeeng uhchegahdag ishkoota: kuhya debishkoo pishkunag ishkoota emuh wahjewing.

¹⁵ Me suh kaëzhenoosoonaüdwah ewh kache‐nooding: chesagemudwah oonjepuggumahnemuk.

¹⁶ Mahnoo tahkeche‐ahgujjeähwug emuh ooshkinzhegoowaung: mesuh enenewug kaöonjenunduh-wanduhmoowaud kedezhenekahzoowin O Jehovah.

¹⁷ Mahnoo tahahgujjeähwug kuhya tahsagemahwug kahgenig: tahmisquingwasawug kuhya tahbahnahdezewug.

¹⁸ Cheöonjekekanemikwah enenewug keen Jehovah azhenekahzooyun: kemahmahwe‐ishpandahgooz emuh anegookookummegaug uhkee.