PSALMS 81 - Ottawa New Testament Penteteuch and Psalms 1874

¹ Anegook nuhguhmootahwik Kesha‐Muhnedoo owh wanje‐mushkahwezeyaung: moojege‐noondahgoozeyook nuhguhmootuhwag owh waKesha‐Muhnedoomegood enewh Jacobun.

² Nuhguhmootuhwik ewh nuhguhmoowin tewaëgayook; kuhya muhtwawajegayook enewh muhtwawajegunun.

³ Pootahjegayook ewh pootahjegun uhpe washkeahgoojing tebike‐kezis: uhpe wajechesag ewh kechetwah kezhegud.

⁴ Me mah anahkoonegang emuh Israeling: ootebahkoonegawin Jacob ooKesha‐Muhnedoomun.

⁵ Oogeähtoon suh emuh Josephing chedebahjemootuhwind uhpe kahsahgejenahwashkung Egypt duhzhe uhkee: kahduhzhe‐noonduhmaun inwawin kahnesittootunsewaun.

⁶ Ningemahjetoon oodenemaungun chepemewunasig: kuhya ooneenjeen chemeekinduhsig enewh kookoobenahgunun.

⁷ Uhpe kahahnemezeyun kegeguhnoozh, kegebemahjeïn dush: kegebezindoon uhpe kenoondahgoozewaud ahnemikeeg oonje keemodezewining.

⁸ Kegekuhgwajeïn kuhya: emuh Meribahing duhzhe‐neebeeng.

⁹ Bezinduhmoog nindahnishenahbadoog: kegahdebahjemootuhmoon O Israel kishpin webezinduhweyun.

¹⁰ Kahween kegahahyahwahse bakahnezid Kesha‐Muhnedoo: kah dush kegahahnuhmeätuhwahse mayuggezid Kesha‐Muhnedoo.

¹¹ Neen nindow Jehovah keKesha‐Muhnedoom owh kahsahgechewenenag oonje Egypt duhzhe uhkeeng: Keche‐anegook tahwuneeg kegahtabesineënim dush.

¹² Nindahnishenahbamug dush kahween oogebezinduhsenahwah nindekedoowin: kah dush ningedabwatahgoose Israel.

¹³ Ningepuggedenaug chekuhkebahduhdenig oodaëwaun: kuhya kebemoosawug emuh tebenuhwa oodenanduhmoowinewaung.

¹⁴ Ahbagish kebezindahwewahpun nindahnishenebamug; kuhya kebemoosapun Israel emuh nemeekunaung.

¹⁵ Nindahgeshahgoojeäug enewh shaunganemegoojin: kuhya nindahgemegahnaug enewh mahgahnegoojin.

¹⁶ Tahgewuhyazhinga‐puggedenedezoowug enewh shaunganemahjig Jehovahun: kahgenig dush ween tahgeähyahwng wenuhwah.

¹⁷ Oodahgeähshummaun dush enewh ewh kache‐oonesheshing buhquazhegun: kuhya kedahgetabesineïn ewh ahmoo‐sinsebahquud oonje‐ahzhebikaung.