PSALMS 8 - Ottawa New Testament Penteteuch and Psalms 1874

¹ O Jehovah Tabanemeyaung kagate keche‐pezhegandahgwud kedoonoozoowin anegookookumegaug uhkee: nahwuj ishpeming keëzhesittoyun kepezhegandahgoozewin dush ween kezhigoon.

² Emuh oodoonewaung egewh ahbenoojeyug kuhya nwaunejig kegeöondenaun ewh mushkahwezewin shaunganemikig oonje: chegebezaunuhbeüd owh nashkaningad kuhya ahyahzhittahwahewad.

³ Uhpe nahyahnahgahdahwanduhmaunin enewh kekezhekoom keneenjeeng kahoozhetooyun: owh tebeke‐keezis kuhya ahnungoog kahahsudjig.

⁴ Ahneen anandahgoozid owh enene chemequanemudebun: kuhya dush enene oogwissun chemahwuddissudebun.

⁵ Kegeëzheäh mah punge noondaush cheënandahgoozid anandahgoozewaud egewh angenug: kegepesekuhmahwah dush ewh kechetwah‐wandahgoozewin kuhya pezhegandahgoozewin ooshtequauning.

⁶ Kegeëzheäh cheöogemahkundung kuhkenuh enewh kahoozhetooyunin: kegeähtuhwah ahnooj gagoon emuh ahnahmesit.

⁷ Kuhkenuh mahuishtahnishug kuhya ahnooke‐pezekewug: aahe, kuhya noonpeming duhshe ahwaseyug.

⁸ Keezhigoong duhshe penasewug kuhya kecheguhmeeng duhzhe gegooyug: kuhya dush ahwagwan emuh kecheguhmeeng duhzhe meekunaung anepemuhkuhzhewagwan.

⁹ O Jehovah Tabanemeyaung keche‐pezhegandahgwud kedoonoozoowin emuh aneguhkookuhmegaug uhkee.