PSALMS 79 - Ottawa New Testament Penteteuch and Psalms 1874

¹ O Kesha‐Muhnedoo, egewh mayug‐ahnishenahbag kepeendegawug emuh keduhkeeming: oogeweenetoonahwah kekechetwah ahnuhmeä‐weguhmigoom; oogekeche‐bahnahjetoonahwah Jerusalem.

² Oogepuggedenahnahwah oochebuyemewaun egewh kebuhmeetahgunug egewh kezhigoong duhzhe penasheyug chemeejewaud: ooweyausemewaun egewh anuhmeätookig chemeejewaud egewh buhgwuj ahwaseeyug oomah uhkeeng.

³ Oogesegwabenahnahwah oomisqueemewaun debishkoo nebeeng emuh kewetuhyeëewung Jerusalem: kah dush oogepuggedanemegoosewaun ahweyah bamahdezenejin.

⁴ Nenuhueebekemegoonahnig egewh neejeduhnuhkewamahgunug: nebahpeëgoonahnig egewh kewetuhyeëeng ayahjig.

⁵ Ahneen menik, O Jehovah? Kahgenig enuh kegahnishkahdiz: ishkootang enuh tahenahketa kegahwawin?

⁶ Seegenuhmow egewh anuhmeähsigoog pwahyah‐kekanemikig ewh kenishkahdezewin: kuhya egewh ahnishenahbag anuhmeätunsigoog kedezhenekahzoowin.

⁷ Oogeäumwahwaun edush enewh Jacobun: kuhya oogebahnahjetoonahwah oowegewaumun.

⁸ O kagoo mequanduhmooweshekaunkan kuhyet nemujje‐ezhewabezewinenahnin: mahnoo waweeb ningahoodissegoonahnin keshahwanjegawinun, kagate mah nekeche‐ketemahgezemin.

⁹ Weedookahweshenaum, O Keen Kesha‐Muhnedoo bamahjeëyaung cheönjepezhegandahgwuk kedezhenekahzoowin: kuhya ekoonuhmahweshenaum kuhya kuhsebeühmahweshenaum nemujje‐ezhewabezewinenahnin oonje kedezhenekahzoowin.

¹⁰ Ahnishwin kaëdedoowaud egewh anuhmeähsigoog, Ahneende ayahnid ooKesha‐Muhnedoome waun: mahnoo oogahkekanemegoon enewh anuhmeähsenegoon emuh anahsuhmeyaung oonje ahzhatebahung oomisqueemewaun egewh kebuhmeetahgunug kahnesindjig.

¹¹ Mahnoo kegahoodissegoon oomahmahtwawinewaun egewh kabahquahegahzoojig: debishkoo anandahgwuk kemushkahwezewin bemahjew egewh nuhyahneboomindjig.

¹² Tebahuhmow dush ween neejeduhnuhkeewamahgunanahnig: neezhwahcheeng menik kahmujje‐duhzhemikwah, O Jehovah!

¹³ Mesuh kaöonjemahmooyahwuhmegooyun nenuhwind kedahnishenahbamug kuhya kemahnishtahnishemug ashummudjig ahyahweyaung: ningahwahbundahewamin kewahwezhanemegoowin kahgenig ahpena kahgenig.