PSALMS 78 - Ottawa New Testament Penteteuch and Psalms 1874

¹ Bezinduhmook nindahnishenahbawedoog ewh netebahkoonegawin; nahwataun chenoonduhmun nindekedoowinun.

² Ningahtahwun cheähwachegayaun: kuhya ningahwahweendaunun kata keemoodoowawinun.

³ Enewh kahnoonduhmaungoon, kuhya kahkekanduhmaungoon, kuhya kahwahweenduhmoonungwah koosenahnig.

⁴ Kahween kegahkahduhmoowahsenahnig enewh oonejahnesewaun, chewahweenduhmoowungwah egewh kaähneka‐bemahdezejig oowahwezhanduhmoowinun owh Jehovah kuhya oomushkahwezewin kuhya mahmaundahwejegunun kahezhechegad.

⁵ Oogeähtoon suh oodebahjemegoowin emuh Jacobing kuhya ootebahkoonegawin emuh Israeling: kahezhekuhgekemaud koosenahnin cheöonjedebahjemootahwahwaud enewh oogwissewaun.

⁶ Cheöonjekekanduhmoowaud egewh kaähneka‐bemahdezejig: egewh kayahbe kanegejig chepuhsegwewaud kuhya chedebahjemootahwahwaud enewh tebenuhwa oonejahnesewaun.

⁷ Cheähpanemahwaud enewh Kesha‐Muhnedoon, cheöonanduhsigwah dush oodezhechegawinun owh Mahyahmahwe‐mushkahwezid, kuhya cheguhnuhwanduhmoowaud ookuhgequawinun.

⁸ Cheëzhewabezesigwah dush ween debishkoo kahezhewabezenid oosewaun kahmushkahwedaänejin kuhya kahkuhgaunzetuhmenejin; kah mah oogequuhyukesittoonahwah oodaëwaun, kah dush oogeminjemanemahsewaun Kesha‐Muhnedoon emuh oojechaugoowaung.

⁹ Ephraim oonejahnesun ahnahween goo keöometikwaubewaud keöozhemoowug uhpe megahzookezheguk.

¹⁰ Kahween oogeguhnuhwanduhsenahwah Kesha‐Muhnedoo oodekedoowin; kah dush keënanduhsewug cheebemoosawaud emuh ootebahkoonegawining.

¹¹ Ooogeöonandahnahwah oodezhechegawinun kuhya oomahmaundahwejegawinun kah wahbunduhegoowaud Kesha‐Muhnedoon.

¹² Anahsuhmenid enewh oosewaun kemahmaundahwejega emuh Egypt uhkeeng emuh Zoaning duhzhe ketegauning.

¹³ Oogenanahwenaun ewh kechegumme cheoonjeshahbooshkuhmoowaud: oogeïshpissetoonun enewh nebeen.

¹⁴ Magwah kezhegudenig oogesuhgahbeginaun enewh, ahnuhquud keähyood: kuhya kuhpa tebik ishkoota‐wahsayahzewin oogeähyoon.

¹⁵ Oogetaushkahbikesittoonun enewh ahzhebikoon ewede buhgwuhduhkummig kuhya oogemeenuhaun oonje kache‐demeeg.

¹⁶ Keënahkoonega, ahzhebikoong cheöonjejewung nebee debishkoo azhejewung sebee.

¹⁷ Kayahbe dush oogemujje‐doodahwahwaun kuhya oogekahgaunzetahwahwaun enewh mahyahmahwe‐ishpandahgoozenejin ewede puhgwuhduhkummig.

¹⁸ Oogekuhgwatebanemahwaun Kesha‐Muhnedoon emuh oodaëwaung, oogenundoodahmahwahwaun dush meejim chewesenewaud.

¹⁹ Oogeduhzhemahwaun dush enewh Kesha‐Muhnedoon oo‐oo keënahwaud, Kushketoo nuh Kesha‐Muhnedoo cheöozhetood wesenewahgun ewede puhgwuhduhkummig?

²⁰ Benuh oogepukkedaäun ewh ahzhebik keöonjejewun dush nebee debishkoo sebeeng: kushketoo nuh chemeegewad buhquazhegun gamuh cheöondenahmahwaud enewh oodahnishenahbamun ewh weyaus?

²¹ Mesuh kahnoondung Jehovah kenishkahdeze dush ween; kepiskuna ishkoota emuh Jacobing kuhya kenishkanemah Israel.

²² Oonje kedabwayanemahsig Kesha‐Muhnedoon kuhya keahpanemoosig oobemahjeëwawin.

²³ Ahnahween goo keguhnoodung enewh ahnuhquudoon ewede ishpeming; kuhya keënahkoonegad chenesahkoonegahdag ishpeming duhzhe ishquaundamun.

²⁴ Kekemewun dush manna chemeejewaud: kuhya oogeäshummaun ewh ishpeming duhzhe buhquazhegun.

²⁵ Kuhkenuh anduhchewaud enenewug oogemeejenahwah egewh mashkahwezejig oobuhquazhegunewah oogetabesineäun ewh nuhwuhpoowin.

²⁶ Keënahkoonega chewahbune‐nooding oonje kezhigoong: kuhya oonje mushkahwezid keëkedoo cheshahwunuhung.

²⁷ Oogenissewedoon ewh weyaus debishkoo weyuggussang: kuhya waningwegunejig penasheyug debishkoo kechegummeeng duhzhe nagou.

²⁸ Oogepuggedenaun chepungesing emuh ookuhbashewinewaung, kewetuhyeëe andahwaud.

²⁹ Kewesenewug dush kuhya kekeche‐tabesinewug; mesuh kemeenaud enewh ewh kahnunduhwanduhmoowaud.

³⁰ Kahween muhshe oogepoonetoosenahwah oonunduhwanduhmoowinewaun: kayahbe dush oogeshahshahgoondahnahwah oomeejimewaun.

³¹ Oogepeöodissegoonahwah oonishkahdezewin owh Kesha‐Muhnedoo; kenesahwun dush kache‐weninoonejin oodahnishenahbamewaun: kuhya Israel oodooshkenegemun kepungeshinoon.

³² Pooch kayahbe kemujje‐ezhechegawug, kah dush oogedabwayanemahsewann ahnahween goo kemahmaundahwejeganid.

³³ Mesuh kahoonjebahnahjetoowaund ookezhegudoomewaun emuh kuhkebahdezewining, kuhya ookekenoonoowinewaun emuh sagezewining.

³⁴ Uhpe kahnesaud enewh, oogeöondoonaöogoon: kepiskahbewug kuhya wuhyebah oogenundahkekanemahwaun Kesha‐Muhnedoon.

³⁵ Kuhya oogemequanemahwaun Kesha‐Muhnedoon oodahzhebikoomewaun cheähwenid: kuhya bemahjeëgoowaud enewh mashkahwezenejin kuhya mahyahmahwe‐ishpandahgoozenejin.

³⁶ Pooch oogewuhyazhemahwaun Kesha‐Muhnedoon; oodoonewaun keähyoowaud kuhya oogekuhkenuhwishketahwahwaun oodanuhnewhewaun keähyoowaud.

³⁷ Kahween kequuhyukwussenene oodaëwaun anahsuhmid Kesha‐Muhnedoo; kah dush kedabwasewug ewh kahwahweendahmahgawaud.

³⁸ Ween dush shawanjegad oowabenuhmahwaun oomujjeëzhewabezewinene kah dush oobahnahjeähseen enewh; ahyahpe kepoone‐kedahzoo kah dush anegook kenishkahdezese.

³⁹ Kemequandum dush ween cheweyausewenid nasawin mahyahjahmahguk, wekah dush paskahbe-mahgussenook.

⁴⁰ Ahyahpe oogekuhgaunzetahwahwaun ewede buhgwuhduhkummig; kuhya oogemegooshkahjeähwaun ewede akoo‐nagouekaug.

⁴¹ Keähzhasawug edush kuhya oogekuhgwatebanemahwaun enewh Kesha‐Muhnedoo kuhya oogeähgahsanemahwaun enewh Keche‐peenezenejin oo‐Kesha‐Muhnedoomun owh Israel.

⁴² Kahween oogemequanduhsenahwah oomushkahwezewin; kahezhemushkahwezid uhpe kebemahjeäud enewh katemahgezenejin.

⁴³ Keähtood ookekenoowahjechegunun emuh Egypting kuhya oomahmaundahwejegunun emuh Zoaning duhzhe‐ketegauning.

⁴⁴ Keähnooke dush chemisquewunenig ooseebemewah; kah dush oogekushketoosenahwah chemenequawaud ooseebeweshaëwaun.

⁴⁵ Oogeëzhenahzhahwaun enewh suhgeman cheahmoogoowaud enewh, kuhya mukkukeen, oogebahnahjeëgoowaun enewh.

⁴⁶ Oogeäh hummaun enewh moozan owh oomenewinewaun kuhya enewh ahtissahwuhyazheen, oodahnookeewinewaun.

⁴⁷ Kesasagung oogeöonjebahnahjetoon ooshooweminahgahwinezhemewaun, kuhya kemushkahwujewun oometikoomewaun.

⁴⁸ Oogenesaun dush enewh oodahwahkaunewaun oonje kesasagunenig: kuhya oogechahgizwaun enewh oodahyaumewaun.

⁴⁹ Oogepenesenuhmoowaun ewh kazhetanig oonishkahdezewin kuhya ookooduggeëwawin: keähnoonaud enewh quaduggeëwanejin angenun.

⁵⁰ Oodoozhetoon meekun chebemoosamahgudenig oonishkahdezewin: kah dush oobemahjeähseen enewh oojechaugoowaun, kuhya oogepuggedenaun cheneboonid.

⁵¹ Kuhya oogepukkedawaun enewh natum‐neegenejin ewede Egypting: enewh kache‐mushkahwezenejin emuh oowegewauming owh Ham.

⁵² Oogesahgejewenaun enewh oodahnishenahbamun debishkoo mahnishtahnishug, kuhya oogesahgahbegenaun debishkoo ahweyah azhesahgahbegenaud enewh mahnishtahnishun emuh bahgwuhduhkummig.

⁵³ Oogekekenooähmahwaun enewh emuh menoo‐ahyahwining; kah dush kasagezesewun oodahnishenahbamun; kenesahbahwawun enewh shaunganemegoowahjin emuh oogedebeeg kechegummeeng.

⁵⁴ Oogepeenaun dush oomah kechetwah‐uhkeeng: kuhya oomah auduhgoog wahjewh kahkushketood oonje mushkahwezid.

⁵⁵ Oogesahgejenahzhawaun enewh mayugezenejin ahnishenahban, kuhya oogemeenaun enewh tebenuhwa oodahnishenahbamun ewh uhkee chedebanduhmenid: kuhya oogeënahkoonaun enewh Israelitun chedahnid emuh puhpuhguhwahyaune‐guhmigoong.

⁵⁶ Oogekuhgwatebanemahwaun kuhya oogeähzhedashkahwahwaun enewh Kesha‐Muhnedoon Mahyahmahwe ishpandahgoozenejin: kah kuhya oogeguhnuhwandahsenahwah ookuhgequawinum.

⁵⁷ Kekuhgaunzetuhmoog kuhya kewahyazhingawug debishkoo oosewaun: keähzhasaähwug debishkoo ahyahnahwawezemahguk metigwaub.

⁵⁸ Oogenishkeähwaun dush oonje oowahjewewaun: kuhya oogegahwaähwaun oonje oomuzzenenemewaun.

⁵⁹ Kesha‐Muhnedoo dush kenoondum kuhya kenishkahdeze: kuhya oogeähpeche‐wabenaun Israelun.

⁶⁰ Kuhya oogenuhguhdaun oodahwin emuh Shilohing: ewh wegewaum kahahtood emuh anduhnuhkeewaud enenewug.

⁶¹ Oogepuggedenaun oomushkahwezewin emuh kebahquahegahzoowining: kuhya oominwahbuhmenahgoozewin emuh ooneenjeeng owh mahgahzood.

⁶² Oogepuggedenaun dush enewh oodahnishenahbamun chenesemind: kuhya oogenishkanemaun enewh tabanemahjin.

⁶³ Kechahgizwahwun oodooshkenegemewaun: kah dush keweedegamahsewun oodooshkenegequamewaun.

⁶⁴ Kenesahwun oosahsahgewejaga‐wenenemewaun: kah dush kemuhwesewun enewh ooshegahmewaun.

⁶⁵ Me ewh uhpe kekooshkoosid owh Tabaningad debishkoo ahweyah nabahpun: debishkoo owh menesenoo mwahjegezid oonje kahmenequad shooweminahboo.

⁶⁶ Oopukkiddawaun enewh shaunganemegoojin emuh oopikwunening: kuhya oogekahgega‐ahgujjeäun enewh.

⁶⁷ Oogeähgoowandaun Joseph oowegewaumun: kah dush oogekuhgeginahseen Ephraimun.

⁶⁸ Ooogekuhgegenaun atuh Judahun: kuhya Zion wahjew manwandung.

⁶⁹ Oogeöozhetoon oodahnuhmeä‐weguhmigoom debishkoo wegewaumun wazhechegahdagin emuh keche‐wahjewing: debishkoo uhkee kahminjemoosetood kahgenig.

⁷⁰ Oogewuhwanahbuhmaun edush enewh Davidun oobuhmeetahgunun; kuhya emuh mahnishtahnishe‐weguhmigoong oogeöondenaun.

⁷¹ Oogeöodahpenaun enewh magwah nuhnoopenahnid enewh anjekoonejin mahnishtahnishun: oogeähnoonaun edush cheähshummahnid Jacobun oodahnishenahbamun, kuhya Israelun enewh tabanemahjin.

⁷² Me dush keähshummaud enewh debishkoo manooëzhewabudenig ooda: kuhya oogekekenooähmahwaun debishkoo ewh azheminwawezemahgudenig ooneenjeen.