PSALMS 77 - Ottawa New Testament Penteteuch and Psalms 1874

¹ Anegook ningahahnuhmeätuhwah Kesha‐Muhnedoo kuhya ningahnuhnaundoomah; anegook ningahnuhnaundoomah: anegook ningahkuhnoonah Kesha‐Muhnedoo ningahbezindaug edush.

² Uhpe keähnemezeyaun ningeoondoonawah Tabaningad: ningezhebenikatuhwah tabekudenig kah dush keuhyakoozemahgussenoon nenik: ninjechaug kahween keënanduhse chemenoodaäïnd.

³ Nemequanemah Kesha‐Muhnedoo kuhya ningemegooshkahjedaä: nenahnahgahdahwandum kuhya ningekeche‐kooduggandum.

⁴ Kegetuhkoobetoonun nishkeenzhegoon chenebahsewaun: nepukhetaöogoo kah dush nekushketoose chekekedooyaun.

⁵ Ningenahnahgahdahwandaunun enewh kuhyet kezhegudoon; kuhya kuhyet kahezhewabezeyaun.

⁶ Ningahmequandaun nenuhguhmoowin magwah tebekuk: ningahnahnahgahdahwandum emuh nindaïng, kuhya kuhgwadwa ninjechaug.

⁷ Kahgenig enuh ningahwabenik owh Tabaningad? kah nuh kuhya wekah ningahminwanemegoose?

⁸ Uhpena nuh keïshquahsamahgud ooshahwanjegawin? uhpena nuh kahgenig kenoondasamahgud oodekedoowin?

⁹ Keöonandum enuh owh Kesha‐Muhnedoo cheshahwanjegad, gamuh kekebahquahegahdanoon enuh ooketemahganjegawinun?

¹⁰ Ningeëkid edush, mesuh maunduh nekooduggetoowin, kuhya enewh kekenoonoowinun dabandahgwukkin emuh ookeche‐nikaung owh Mahyahmahwe‐mushkahwezid.

¹¹ Ningahdebahdoodaunun oodahnookeewinun owh Jah: ningahmequandaunun kuhyet kemahmaundahwejegunun.

¹² Ningahnahnahgahdahwandaun kuhkenuh kedahnookewin, kuhya ningahnahnahgahdahwan daunun kuhkenuh kedezhechegawinun.

¹³ O Kesha‐Muhnedoo kebemoosa emuh menoo‐ezhewabezewining: ahwanan azhemushkahwezid debishkoo azhemushkahwezid Kesha‐Muhnedoo?

¹⁴ Keen kedow owh Mahyahmahwe‐mushkahwezid Kesha‐Muhnedoo mamaundahwechegad: kegewahbundahaug egewh ahnishenahbag kemushkahwezewin.

¹⁵ Apeech mushkahwezeyun kegebemahjeäug kedahnishenahbamug, enewh oogwissewaun Jacob kuhya Joseph.

¹⁶ Kegewahbuhmegoon enewh nebeen, O Kesha‐Muhnedoo kegewahbuhmegoon enewh nebeen: kemahmahdahgummesamahgud, aahe kenuhningishkahmahgud kechegumme.

¹⁷ Kekeche‐kemewun oonje ahnuhquudoong: kenoondahgwud ewh kezhik, aahe pemesawug kekeenwaukoomun.

¹⁸ Kenoondahgoozewug kedahnemekeemug magwahkekeche‐nooding: kewahsayahmahgud oomah uhkeeng oonje wahwahsuhmoowaud ahnemikeeg: kenuhningishkahmahgud kuhya kecheengwakummegahmahgud uhkee.

¹⁹ Kegebemoosa emuh kechegummeeng; kuhya kegebemoosa emuh keche‐kechegummeeng kah dush kekekandahgoossenoon ketuhkookeewinun.

²⁰ Kegesahgahbeginaug kedahnishenahbamug debishkoo mahnishtahnishug oonje ooneenjewaung Moses kuhya Aaron.