PSALMS 76 - Ottawa New Testament Penteteuch and Psalms 1874

¹ Kekandahgooze Kesha‐Muhnedoo emuh Judahing; emuh Israeling Keche‐pezhegandahgwudene oodezhenekahzoowin.

² Emuh Saleming keduhgoomahgud oodahnuhmeä‐weguhmigoom, kuhya kedah emuh Zioning.

³ Ewede enuhkuhkayah oogepahsebetoonun ookeenwaukoomewaun dabandahgwukkin emuh oometikwaubooming: pahkahquahaun kuhya ahzhahwashk kuhya megahzoowin.

⁴ Ahwahshema kepezhegandahgooz kuhya keminwandangooz dush ween enewh wahjewun anduhnuhkeewaud egewh makundwashkejig.

⁵ Egewh swaungedaäjig muhkummahwug ooduhyeemewaun: kenebahwug ewh nebahwin kuhkenuh dush egewh mashkahwezejig kahween oogemekunsenahwah ooneenjewaun.

⁶ Oonje nuhneebekemudwah, O keen wa‐Kesha‐Muhnedoowemik Jacob kegahnebaäug egewh awahjig ootahbaunun kuhya papazhegoogunzheen.

⁷ Kekootahmegooz suh keen, kagate keen, ahwanan dush kanebahwid emuh anahsuhmeyun, uhpe kenishkahdezeyun?

⁸ Ewede ishpeming kegeöonjeënahkoonega chenoonduhming quuhyuk tebahkoonegawin: kesagezemahgud ewh uhkee kuhya kepezaun‐ahyahmahgud.

⁹ Uhpe kepuhsegweed Kesha‐Muhnedoo chetebahkoonegad chebemahjeäud kuhkenuh enewh agahsanemoonejin oomah uhkeeng.

¹⁰ Kegahwahwezhanemegoon mah oonishkahdezewin owh enene: ahnind dush nishkahdezewinun kedahzhabetoonun.

¹¹ Wahweenduhmahwik kuhya tebahahmahwik owh Jehovah Kekesha‐Muhnedoomewah kuhkenuh kenuhwah kawetuhkahbahwetuhwag: mahnoo oogahtebahahmahwahwaun enewh quatahmegoozenejin.

¹² Oowabekoodaunun oobemahdezewinewaun egewh oogemaunsug: ookoosigoon enewh uhkeeng duhzhe keche‐oogemaun.