PSALMS 75 - Ottawa New Testament Penteteuch and Psalms 1874

¹ Kemahmooyahwuhmegoo, O Kesha‐Muhnedoo, kemahmooyahwuhmegoo; pashoowud edush kedezhenekahzoowin; oodebahdoodahnahwah kemahmaundahwejegunun.

² Kezhah ningahwahweendaun uhpe katebahkoonegayaun: quuhyuk ningahtebahkoonega.

³ Keningeta uhkee kuhya kuhkenuh anduhnuhkeejig emuh, ningeähzhedahquahaunun enewh ahshoochesechegunun.

⁴ Ningeënaug egewh mamequahzoojig, kagoo muhmequahzookagoon: kuhya egewh maje‐ezhewabezejig, kagoo oombenunkagoon kedashkunewah.

⁵ Kagoo oombenunkagoon kedashkunewah, kuhya kagoo menahdanemoowining ezhekekedookagoon.

⁶ Kahween wahbunoong kah kuhya apungishemook kah kuhya shahwuhnoong tahoonjebahmahgussenoon oombenegahzoowin.

⁷ Kesha‐Muhnedoo mah tebahkoonega; oogahniswabenaun pazhig, oogahoombenaun dush ween bakahnezenejin.

⁸ Jehovah mah ootuhkoonaun menequahjegun, masquahgummeg dush shooweminahboo; mooshkenabe suh dagoonegahdag shooweminahboo, oosegwabenaun suh: kuhkenuh majeëzhewabezejig oogahmenequanahwah ewh zhahgoosamahguk shooweminahboo.

⁹ Neen dush ween ningahdebahjim kahgenig: ningahnuhguhmootahwah Jacob oo‐Kesha‐Muhnedoomun.

¹⁰ Ningahkishkegahahmahwang kuhkenuh oodashkunewaun egewh maje‐ezhewabezejig: tahoombenuhmahwahwug dush ween oodashkunewaun egewh manoo‐ezhewabezejig.