PSALMS 74 - Ottawa New Testament Penteteuch and Psalms 1874

¹ Ahnishwin, O Kesha‐Muhnedoo, kahgenig kewabeneyaung? Ahnishwin paquanag kenishkahdezewin azhenishkanemudwah kemahnishtahnishemug ashummudjig?

² Mequanim kedahnishenahbamug kuhyet kahkishpenuhnudjig: kuhya kedoogemah‐suhkuhoon kahkishpenuhtooyun, maunduh Zion wahjewh kahduhnuhkeeyun.

³ Pewahbundun ewh kahgega nishwahnahdezewin; kuhya kuhkenuh menik kahmujjeëzhechegad owh mahgahzood emuh ahnuhmeä‐weguhmigoong.

⁴ Kemissetahgoozewug egewh mahgahnikig emuh nahwuhyeëeng anduhzhe‐mahoonjeëdewaud kedahnishenahbamug: oogeoombahkoonahnahwah ookekewaöonahwah chekekenoowahjechegunewung.

⁵ Kekekandahgooze enene oonje keöombenung oowahgahquudoomun emuh metigwuhkeeng.

⁶ Noongoom dush oopegoobetoonahwah enewh suhsagahchegunun: keche‐puhgumushtequaunun kuhya puhgumushtequaunun ahyoowand.

⁷ Oogesuhkuhahnahwah kekechetwah‐ahnuhmeä‐weguhmigoom: metushkuhkummig oogeëzheniswabenahnahnahwah ewh wegewaum andahmahguk kedezhenekahzoowin.

⁸ Keëkedoowug emuh oodaëwaung, mahnoo mahmahwe bahnahjetoodah: oogechahgezahnahwah kuhkenuh Kesha‐Muhnedoo oowegewaumun emuh uhkeeng.

⁹ Kahween kewahbunduhsenahnin kekekenoowahjechegunenahnin, kahween kayahbe nindahyahwahsenaun ahweyah aunwahjega‐wenene, kah kuhya ahweyah kakandung menik oo‐oo kadezhewabuk.

¹⁰ Ahneen menik, O Kesha‐Muhnedoo kabahpenoodahgad owh shaunganjegad? kahgenig enuh owh mahgahnik oogahdahbussandaun kedezhenekahzoowin?

¹¹ Ahnishwin kaäunwawezeyun keneenj kuhya kekeche‐neenj? oonje kepeendoomooning kedenun kuhya bahnahjewh egewh.

¹² Kesha‐Muhnedoo dush ahwe kuhyet nekeche-oogemaum, wazhetood bemahjeëwawinun oomah uhkeeng.

¹³ Emuh kemushkahwezewining kegepegoobetoon ewh kechegummee: kegeshahshahgoondebawaug egewh keche‐kenabigoog oogedebeeg.

¹⁴ Kegeshahshahgoondebawah Leviathan, kegahpuggedenah cheäumoogood enewh ahnishenahban, enewh puhgwuj‐ahnishenahban.

¹⁵ Keen suh kegetaushkegummesaäunun enewh seebewun kuhya sebeweshaün: kuhya kegeïskutta-aunun enewh seebeewun uhpena kazhejewungin.

¹⁶ Keen kedebandaunun kezhegud kuhya tebekud: keen kegeöozhetoonun wahsayahzewin kuhya keezisoon.

¹⁷ Keen kegeënahkoonega kaënegookwaug uhkee: kegeënahkoonega cheneebing kuhya chepeepoong.

¹⁸ Mequandun oo‐oo: owh shaunganjegad oobahpenoodahwaun Jehovaün: kuhya egewh kakebahdezejig ahnishenahbag oogedahbussandahnahwah kedezhenekahzoowin.

¹⁹ Kagoo meenahkan egewh pakuddajig ahwaseeyug kekeche‐oomeemeen: kagoo wekah oonanemahkan kedahnishenahbamug.

²⁰ Nahnahgahdahwahbundun ewh kewahweendahmahgawin: keche‐mooshkenamahgud uhkee akoo‐kushke‐tebekuk enewh kooduggeëdewinun.

²¹ Kahween tahaunwanjegasewug egewh quaduggeïndjig kah kuhya tahahgujjeähsewug; mahnoo owh ahyahnemezid enene kuhya owh katemahgezid enene oogahwahwezhandaunahwah kedezhenekahzoowin.

²² Puhsegween, O Kesha‐Muhnedoo! Guhnooduhmahzoon: mequandun kebahpenoodahgoowin azhebahpenoodauk owh kakebahdezid kuhpa kezhik.

²³ Kagoo oonandunkan azhekuhnoomkwah egewh shaunganemikig, azhemissetahgoozewaud egewh ashkum mahgahnikig.