PSALMS 73 - Ottawa New Testament Penteteuch and Psalms 1874

¹ Kesha‐Muhnedoo atuh oomenoo‐doodahwaun Israelun enewh pahnedaänejin.

² Neen dush ween gagah kahoozhahshinaun, gagah kahpukkedashinaun.

³ Ningekahkahwanemaug egewh manahdanemoojig: ningewahbuhmaug egewh maje‐ezhewabezejig chemenoo‐ahyahwaud.

⁴ Kahween tuhkoobenahsewug uhpe naboowaud: kuhya keche‐soongunene oomushkahwezewinewaun.

⁵ Kahween keche‐ahnookeesewug debishkoo azhekecheähnookeewaud enenewug: kah dush kooduggeähsewug azhekooduggeïndwah enenewug.

⁶ Nahbuhkahwahwug suh menahdanemoowin: oopesekahnahwah mujje‐doodahgawin debishkoo ahgwewining.

⁷ Keche‐weeninwingwawug; nahwuj nebewah oodahyahnahwah dush ween nanduhwanduhmoowaud.

⁸ Bahpenoodahgawug kuhya mujje‐kezhwawug, emuh minwahdanemoowining ooduhzhindahnahwah mujje‐doodahdewin.

⁹ Oogeähtoonahwah oodoonewaun ewede kezhikoong: kuhya oodanuhnewewaun ezhahmahgud anegookookummegaug uhkee.

¹⁰ Mesuh wanjepiskahbenid oodahnishnahbamun kuhya mwaushkenabeeg menequahjegun kuhkenuh tahmeenahahwug.

¹¹ Oo‐oo dush tahekedoowug. Ahneen kaöonje-kekandung Kesha‐Muhnedoo? wagoonash edush kaöonjekekandahsood owh mahyahmahwe‐ishpandahgoozid?

¹² Benuh! mujje‐ezhewabezewug oogoo; pooch menoo‐duhnuhkeewug kahgenig ashkum mushkahwezewug.

¹³ Ahneshah atuh ningepeenedäaëdiz, kuhya ningekesebeneenj emuh menoo‐ezhewabezewining.

¹⁴ Anduhsoo kezhik ningepukkedaöogoo; kuhya anduhsoo‐kekezhab ningekooduggeëgoo.

¹⁵ Kishpin akedooyaunbaun, ningahdebahdoodaun oo‐oo, nindahgemujjedoodahwaug egewh kegwissug.

¹⁶ Ningenahnahgahdahwandum chekekanduhmaun oo‐oo: ningekeche‐megooshkahjedaä.

¹⁷ Nahnauzh tagwishenaun emuh oodahnuhmeäweguhmigoong Kesha‐Muhnedoo: me uhpe kanahnahgahdahwanduhmaun ooneboowinewaun.

¹⁸ Kagate kegeähsaug emuh akoo‐zhoozhahquuk: kegeniswabenaug emuh nishwuhnahdezewining.

¹⁹ Kagate waweeb bahnahdezewug: keïshquah‐ahyahwug oogebahnahjeëgoonahwah tebenuhwa oosagezewinewaun.

²⁰ Debishkoo enahbunduhmoowining uhpe ahweyah kahkooshkoozid, O Tabaningayun kegahbahpenoodaun oodezhenahgoozewinewaun.

²¹ Mesuh kahezhemegooshkahdanduhmaun emuh nindaïng: kuhya ningepuhzhebooöogoo emuh netuhtuhgahgooning.

²² Debishkoo ahwahkauning ningeëzhewabiz, kah dush ningekekanjegase: ahwaseeng ningeëzhewabiz emuh anahsuhmeyun.

²³ Uhpena dush keweejewin: kegesuhgeneenjin nekecheneenj.

²⁴ Kegahsuhgahbegin oonje kenebwahkahwin: kuhya nahguj kegahmeezh ewh kahgega‐pezhegandahgoozewin.

²⁵ Ahwanan ayahwug ewede kezhigoong? Kah kuhya ningenunduhwanemahse ahweyah bakahnezid oomah uhkeeng, keen atuh.

²⁶ Nenoondashin kuhya nechahgedää, Kesha‐Muhnedoo ahwe ninda oodahzhebikoomun, kuhya netebenuhwawezewin kahgenig.

²⁷ Benuh! egewh wahsuh naguhnikig tahnishwuhnahdezewug; kegebahnahjeäug kuhkenuh wuhyabenikig.

²⁸ Neen dush ween keche oonesheshin chenaunzekahwug Kesha‐Muhnedoo: ningeähpanemah owh Jehovah Tabaningad, chewahweendahmahgayaun kuhkenuh kedezhechegawinun.