PSALMS 72 - Ottawa New Testament Penteteuch and Psalms 1874

¹ O Kesha‐Muhnedoo, meezh owh kecheoogemah tebahkoonegawinun: kuhya kecheoogemah oogwissun kemenoo‐ezhewabezewin.

² Emuh menoo‐ezhewabezewining oogahezhetebahkoonaun enewh kedahnishenahbamun: kuhya quuhyuk oogahtebahkoonaun katemahgezenejin kedahnishnahbamun.

³ Emuh wahjewing tahoonjebahmahgudene oobakahbemahdezewinewaun egewh ahnishenahbag: kuhya wahjewansing, oonje menoo‐ezhewabezewin

⁴ Oogahtebahkoonaun katemahgezenejin ahnishenahban: oogahbemahjeäun enewh natuh‐muhnazenejin: kuhya oogahpeegooäun enewh maje‐doodahganejin.

⁵ Kegahkoosegoog nahnauzh ishquah‐ahgoojinoowaud kezhike‐keezis kuhya tebike‐keezis, menik kaähneka‐bemahdezewaud enenewug.

⁶ Tahpenesaunduhwa debishkoo azhepungeshing kemewunahboo emuh akoo‐mushkoosewinekaug: chenesahbahwejegahdag uhkee.

⁷ Uhpe ween bamahdezid tahsahguhkeewug manoo‐ezhewabezejig: kuhya tahbahtuhyeïnud bakahdezewin nahnauzh ishquah‐ahgoojing tebike‐keezis.

⁸ Tahoogemahwe oonje keche‐gummeng: peenish pukkaun kechegummeeng: kuhya oonje azhetequayaug seebe nahnauzh wuhyaquummegaug uhkee.

⁹ Oogahshahgushketahgoon enewh puhgwuj ahnishenahban: kuhya oogahoojecheengwuhnetahgoon enewh mahgahnegoojin.

¹⁰ Tarshishing duhzhe oogemaug kuhya egewh wagemahkundunjig enewh menisun oogahpeetoonahwah meegewawinun: Shebaïng kuhya Sabaïng duhzhe oogemaug oogahpeetoonahwah puggedenegawinun.

¹¹ Oogahshahgushketahgoon kuhkenuh kecheoogemaun: kuhya oogahbuhmeetahgoon kuhkenuh ahnishenahban.

¹² Oogahbemahjeäun mah enewh manazenejin anuhmeätahgoojin: enewh katemahgezenejin, kuhya enewh wahdookahgoosenegoon bakahnezenejin.

¹³ Oogahshahwanemaun enewh katemahgezenejin kuhya manazenejin: oogahbemahjeäun enewh manazenejin.

¹⁴ Oogahbemahjeäun oojechaugoowaun chekooduggeähsewindwah: kuhya chemujje‐doodahwahsewindwah.

¹⁵ Tahbemahdeze, kuhya tahmeenah Shebaïng duhzhe oozahwah‐shooneyah: uhpena tahahnuhme-atuhmahwah, kuhya anduhsoo‐kezheguk tahnuhguhmootuhwah.

¹⁶ Ahnahween goo punge atuh‐menekaun suhswawabenegahdag emuh wahnahkoowewung wahjewh pooch tahbahtuheïnud buhquazhegunush debishkoo azhewabuk emuh Lebanoning: egewh dush wahdatoojig emuh oodanaung tahminwahbuhmenahgoozewug debishkoo muskoosewining oomah uhkeeng.

¹⁷ Kahgenig tahduhgoomahgudene oodezhenekahzoowin, ashkum tahkekandahgwudene oodezhenekahzoowin menik kaähgoojing keezis: mesuh ween kaöonjeshahwandahgoozewaud enenewug: shahwandahgooze oogahenanemegoon ahnooj azheweenzoonejin ahnishenahban.

¹⁸ Kechetwahwandahgooze sah owh Jehovah Kesha‐Muhnedoo, Israel Ookesha‐Muhnedoomun, owh atuh mamaundah‐ahnookeed.

¹⁹ Tahpeshegandahgwudene oodezhenekahzoowin kahgenig: kuhya uhkee tahmooshkenamahgud oopezhegandahgoozewin. Amen kuhya Amen.

²⁰ Mesuh wuhyaquahnig oodahnuhmeahwinun owh David.