PSALMS 71 - Ottawa New Testament Penteteuch and Psalms 1874

¹ Kegeähpanemin, Oh Jehovah, kagoo ween wekah puhgedeneshekan cheahgujjeëgooyaun: bemahjeëshin kuhya guhnuhwanemeshin emuh kequuhyuk‐wahdezewining; bezindahweshin kuhya bemahjeeshin.

² Ahwin kache swaungung newahkahegun emuh cheähyahyaun kahgenig: kegeëkid, chewedookahweyun, keen muh kedow nebemahjeëwawine wahkahegun, kuhya kache ishpaug newegewaum.

³ Meetahgwanemooweshin, Oh Nekesha‐Muhnedoom, enewh ooneenjeen owh maje‐ezhewabezid; ooneenjeen owh maje‐enahdezid kuhya ahyahquahdezid enene.

⁴ Keen mah, Oh Jehovah, kedow e‐ewh mametahwanduhmaun; keen kedow nedahpanemoowin uhpe goo kahooshkenegeyaun nahnauzh egoo noongoom.

⁵ Keen ween ningeöonjeähsoonegoo kahahkoo‐negeyaun: keen kedow owh kahoonjesahgedenegooyaun emuh ninguh oopahyahwining, keen suh uhpena kawahwezhanemenaun.

⁶ Debishkoo weendegoong nebewah nindenanemegoog; keen edush ween kedahpanemin.

⁷ Oh mahnoo ewh nindoon tahmooshkenamahgud ewh kewahwezhanduhmoowin: ewh chenuhguhmootahmaun kepezhegandahgoozewin kuhpa‐kezheguk.

⁸ Kagoo wabeneshekan uhpe kakahyaun; kagoo nuhguhneshekan uhpe nwaunda‐shahgweweyaun.

⁹ Nemujje‐duhzhemegoog mah egewh nashkanemejig, kuhya egewh akahmahwahjig ninjechaugwun mahmahwe kahkekedoowug oo‐oo dush akedoowaud, oogenuhwuhnegoon Kesha‐Muhnedoon: kooduggeïk kuhya tuhkoonik, kah mah ahweyah oogahwedookahgooseen.

¹⁰ Kagoo wahsuh ezhenuhguhnuhzhekan, Oh Kesha‐Muhnedoo: Nekesha‐Muhnedoom, waweebezin cheweedookahweyun.

¹¹ Mahnoo tahwahwunezewug kuhya tahneboowug egewh nashkanemahjig ninjechaugwun: Mahnoo egewh wahmujjedoodahwejig tahahgujjeähwug.

¹² Neen mahween, kahgenig emuh minwahdanemoowining ningahahya: kuhya ashkum kegahmahmooyahwuhmin.

¹³ Nindoon anduhsoo‐kezheguk tahdebahjemoo-mahgudazhequuhyuk‐wandahgoozeyun kuhya azhebemahjeëwayun: kah mah nekekanduhseen chewuhyaquahahyaug.

¹⁴ Ningahsahgahum emuh oomushkahwezewining owh Jehovah Kesha‐Muhnedoo: kuhya ningahwahweendaun e‐ewh kequuhyuk‐ezhewabezewin atuh.

¹⁵ Keen, Oh Kesha‐Muhnedoo, pahahkooöoshkenegeyaun kegebeöonjekekenuhahmow nahnauzh egoo noongoom; Me suh dush chewahweendahmaun mamaundahwukkin kedahnookewinun.

¹⁶ Kagoo nuhguhzheshekan, Oh Kesha‐Muhnedoo, emuh nekekahwining uhpe wahyahbequayaun: nahnauzh kewahbundahugwah oogoo noongoom bamahdezejig kemushkahwezewin, kuhya kekushkeäwezewin kuhkenuh pechenug kabenegejig.

¹⁷ Kequuhyukwahdezewin, Oh Kesha‐Muhnedoo, keche‐ishpahmahgud, kuhya keche‐ahnookeewinun, enewh kahenuhnookeyunin: Oh Kesha‐Muhnedoo, ahwanan anandahgoozid debishkoo keen anandahgoozeyun?

¹⁸ Kegewahbunduhim nebewah kuhya sanuhgukkin ketemahgezewinun: nayob kegahmeezh bemahdezewin kuhya kegahpenauzh oonje ahnahmahkummig.

¹⁹ Ashkum kegahmeshenetoon nekechetwahwandahgoozewin: kuhya nayob kegahpenaunzekow chemenoo‐daäëyun.

²⁰ Kuhya kegahmahmooyahwuhmin muhtwawajegun ahyooyaun oonje kedabwawin, O Nekesha Muhnedoom: kegahnuhguhmootoon muhtwawajegun ahyooyaun, O Keen mahyahmahwe‐ishpandahgoozeyun emuh Israeling.

²¹ Nindoon tahkechemoojegezemahgud uhpe nagummootoonaunin: kuhya ninjechaug kahbemahjeüd.

²² Ningahnahnahgahdahwandaun kemenoo‐ezhe wabezewin nindanuhnewh ahyooyaun: oonje ahgujjewaud egewh wahmujje‐doodahwejig.