PSALMS 7 - Ottawa New Testament Penteteuch and Psalms 1874

¹ O Jehovah neKesha‐Muhnedoom keen apanemenaun: meetahgwanemooweshin kuhkenuh enewh quaduggenejin, kuhya bemahjeëshin.

² Mahgahshah oodahgetuhquahmaun ninjechaugwun debishkoo meshebesheeng: oodahgepesebenaun dush kishpin ahweyah bemahjeëwasig.

³ O Jehovah neKesha‐Muhnedoom kishpin oo‐oo doowah keëzhechegayaun: kishpin mujje‐ezhewabezewin emuh neninjeeng ahyahmahguk.

⁴ Kishpin kahmujjedoodahwahwugan wah‐owh kahmenoo‐doodahwid: (kagate ningebemahjeäh peneshe shaunganemid).

⁵ Mahnoo owh nashkanemid oodahgenoosoonawaun enewh ninjechaugwun, oodahduhkoonaun dush: kagate mahnoo oodahtuhtahkookahdaun ewh nimbemahdezewin emuh metushkuhkummig, kuhya oogahahtoon ewh nepezhegandahgoozewin emuh weyuhguhsaïng.

⁶ Puhsegween, O Jehovah, nishkahdezeyun oonishkaun; egewh mah shaunganemejig nenishkanemegoog: kuhya dush kooshkoosin chetebahkoonegayun debishkoo kahenahkoonegayun cheëzhewabuk.

⁷ Mesuh kaöonjekewetuhkahbahwetookwah egewh ahnishenahbag mahyahwunjeëdejig: umba suh oombishkaun wenuhwah oonje.

⁸ Owh Jehovah oogahtebahkoonaun enewh ahnishenahban: tebahkooneshin, O Jehovah, anandahgwuk nequuhyukwahdezewin, kuhya menik menoo‐ezhewabezewin kakishkahwaunan.

⁹ O Mahnoo tahishquahsamahgudene oomujje‐ezhewabezewinewaun egewh maje‐ezhewabezejig: keen dush suhgahbegin egewh manoo‐ezhewabezejig.

¹⁰ Ookuhgwaje‐kekandahnun mah owh Kesha‐Muhnedoo oodaëwaun: kuhya ookahkegunahwaun enenewug.

¹¹ Mesuh owh Kesha‐Muhnedoo ganuhwanemid: mesuh owh bamahjeäud enewh quuhyuk azhewabezenejin emuh oodaëning.

¹² Kesha‐Muhnedoo quuhyuk tebahkoonegawenenewe: anduhsoo‐kezhekuk dush oonishkanemaun enewh maje‐ezhewabezenejin.

¹³ Kishpin pwah‐quakekahbahwenid enenewun oogahkenahbootoon oodahzhahwashkoom: oogeöombuttabenaun kuhya oogewahwazheäun oometikwauboomun.

¹⁴ Oogewahwazhetuhmoowaun enewh enahbujjegunun weneshewad: ooweënahbujjeäun enewh keenwaukwun chewenesaud enewh nwahsoonaëwanejin.

¹⁵ Benuh kenegeähwuhsoo, kenegemahgud dush mujje‐ezhewabezewin: peenjenah oogekekishkaun mujje‐uhyeëewish, kuhya kenegetood kuhkenuhwishkewin.

¹⁶ Oogewahnekahdaun ewh wahnekaun: ahzhe dush kepungishing emuh wahnekauning ween tebenuhwa kahoozhetoopuneen.

¹⁷ Ooshtequauning oogahdungishkahgoon tebenuhwa mujje‐doodahgawin: kuhya oobahpenoodahgawin tahpungesin enewh tebenuhwa ooshtequahning.

¹⁸ Ningahmahmooyahwahmah owh Jehovah apeech keche‐quuhyukwahdezid: ningahnuhguhmootahwah kache‐ishpandahgoozid, Jehovah azhenekahzood.