PSALMS 69 - Ottawa New Testament Penteteuch and Psalms 1874

¹ Bemahjeëshin, O Kesha‐Muhnedoo: nemooshkooöogoo mah pooch ninjechaugoong.

² Ningeguhgwahnuhgwuhjishkewasa anduhzhe kushketoosewaun chenebooweyaun: nindahyah emuh akoo‐demeeg, kuhya ningeniswabuhoogoon ewh seebe.

³ Ninduhyakooz menik kemuhweyaun: nepangoonum noonda‐uhyakoozemahgudoon nishkeenzhegoon magwah nunduhwahbuhmug ne‐Kesha‐Muhnedoom.

⁴ Ahwahshema bahtuhyeïnwug egewh pahneshe-sheenganemejig dush ween nenesesissun, mushkahwezewug egewh wahbahnahjeëjig: wuhyazhingashkejig mahgahzhejig, ewh kahmahmoosewaun nenunduhwanemegoo chetebuhegayaun.

⁵ Oh Kesha‐Muhnedoo kekekandaun nekuhkebahdezewin, kuhya nemujje‐ezhewabezewinun kahween ningekahdunseenun anahsuhmeyun.

⁶ Mahnoo kahween ningahahgujjeähseeg egewh bameetookig Tabaningayun Jehovah tabanemudwah egewh waqueenoojig: kahween tahahgahzoomahsewug egewh nandoonaïkig neen oonje, O keen wa‐Kesha‐Muhnedoomik Israel.

⁷ Keen mah oonje ningenuhnebikemegoo, kuhya nigeähgujjeëgoo.

⁸ Nemahyugganemegoog egewh nekahnisug: ningemahyuganemegoog ninguh oogwissun.

⁹ Ningebahnahjeëgoo mah, apeech sahgetooyaun kewegewaum: ningeöodissegoonun oobahpezhewawinewaun egewh buhyahpezhewajig.

¹⁰ Ningeningezooäh ninjechaug apeech kemuhweyaun magwah kekeëquishemooyaun: mesuhkah oonjenishkanemewaud.

¹¹ Ningepesekaun mushkemoodegin: mesuh kahoonjepahpeëwaud.

¹² Nemujje‐enanemigoog egewh namuhduhbejig emuh ishquaundaming: nahnahpahgummoowug egewh manequajig mashkahwahgummeeg.

¹³ Neen dush ween kedahnuhmeätoon, O Jehovah, mahnoo oodahpenuhmahweshin nindahnuhmeawin oonje meeshenuk keshahwanjegawin: nuhquatahweshin oonje dabwamahguk kebemahjeëwawin.

¹⁴ Ekooneshin oonje akoo‐wenejishkewuhgaug, kagoo dush puggedenishekan chekoosahbeyaun: metahgwanemooweshin egewh shaunganemejig, ekooneshin oonje akoo‐demeeg.

¹⁵ Kagoo puggedeneshekan chenesewabahoogooyaun enewh seebeen, kuhya chekoosahbeyaun emuh akoo‐demeeg: kah dush ningahkebahquahegoose emuh wahnekauning.

¹⁶ Nuhquatuhweshin Jehovah: oonesheshin mah keshahwanjegawin: oonje bahtuhyeïnuk keketemahganjegawinun pequakekahbuhwetuhweshin.

¹⁷ Kagoo kahdoomahwahkan kebuhmeetahgun kedangwy, nindahnemiz mah: waweeb nuhquatuhweshin.

¹⁸ Penaunzekow ninjechaug, bemahjew: oonje egewh shaunganemejig bemahjeëshin.

¹⁹ Keen kekekandaun nebahpeëgoowin, kuhya nindahgujjeëgoowin: kewahbuhmaug kuhkenuh egewh quatuggeëjig.

²⁰ Ningewuhsittah‐daäshkahgoon nemujje‐duhzhemegoowin kuhya nemauzhedaä; ningenunduhwahbundaun ketemahganemegoowin, kah dush ningeoodisseggooseen: ningepeeäug egewh kasoonge-daäëjig, kah dush ningemekahwahseeg.

²¹ Ningeähshummegoog weensop: kuhya ningemeenuhegoog sheewahboo uhpe kekishkebahgwayaun.

²² Oodoodoopoowinewaun debishkoo nuhgwahguning tahezheähyahmahgudene; kuhya egewh nemenoo‐ahyahmin ananindezoojig oogahtuhsoonegooanhwah ewh.

²³ Mahnoo tahbuhnahduhdenewun ooshkinzhegoowaun chewahbesigwah: kuhya wahgenuhmow oo uhtuhgahgoonewaun.

²⁴ Seegenuhmow kenishkahdezewin: kuhya oogahuhdemenegoonahwah kache‐kezhetag kenishkahdezewin.

²⁵ Mahnoo tahpezheshigwuhtane oowegewaumewaun: kah dush ahweyah tahdahse emuh oowegewahmewaung.

²⁶ Oonoosoonawahwaun enewh kahpukkedaüdenejin: kuhya oodebahdoodahnahwah ooketemahgezewinewaun egewh kahmahkegunahmudjig.

²⁷ Mujje‐ezhewabezewining tahoonjepungeshinoog emuh mujje‐ezhewabezewining: kah dush tahpeendegasewug emuh kemenoo‐ezhewabezewining.

²⁸ Tahkuhseebeähmahwahwug oodoonoozoowinewaun oonje bemahdezewine‐muzzeneëguning: kah dush tahooghebeahsewug emuh oomuzzeneëgunewaung egewh manoo‐ezhewabezejig.

²⁹ Nekooduggandum kuhya neketemahgiz: mah, noo ishpeming ningahahsigoon kebemahjeëwawin O Kesha‐Muhnedoo.

³⁰ Ningahwahwezhandaun oodoonoozoowin owh Kesha‐Muhnedoo emuh nuhguhmoowining: kuhya ningah‐kechetwahwanemah emuh mahmooyahwawining.

³¹ Jehovah dush nahwuj oogahminwandaun oo‐oo, dush ween ahnooke‐pezhekewun wadashkunenejin kuhya washkunzhenejin.

³² Egewh agahsanemoojig oogahwahbundahnahwah, kuhya tahmoojegezewug: kenuhwah nandoonaäg Kesha‐Muhnedoo kegahmoojegedaäm.

³³ Jehovah mah oobezindahwaun enewh katemahgezenejin: kah dush oodahbussanemahseen enewh kahkebahquahwahjin.

³⁴ Mahnoo oogahwahwezhanemegoon kezhigoon kuhya uhkeen: kechegummeen, kuhya kuhkenuh pabahmuhkuhzhewanejin emuh.

³⁵ Kesha‐Muhnedoo mah oogahshahwandaun Zion, kuhya oogahoozhetoonun Judahing duhzhe‐oodanahwun: tahoodatoowug dush emuh, kuhya oogahdebandahnahwah.

³⁶ Oobuhmeetahgunun oonejahnesewaun oogahtebandahnahwah: kuhya egewh suhyahgetoojig oodezhenekahzoowin tahmenoo‐dahwug emuh.