PSALMS 68 - Ottawa New Testament Penteteuch and Psalms 1874

¹ Tahpuhsegwe Kesha‐Muhnedoo, tuhsus-swashkahwahwun enewh shaunganemegoojin: tahoozhemoowun enewh mahgahnegoojin.

² Debishkoo azhewabahshebuttag mesuh kaëzhemahjenahzhahwudwah, debishkoo pegewh azheningetag kishpin chegeïshkootang uhchegahdah, mesuh kaëzhebahnahdezewaud egewh maje‐ezhewabezejig emuh anahsuhmid Kesha‐Muhnedoo.

³ Egewh manoo‐ezhewabezejig tahminwanduhmoog: tahmoojegezewug anahsuhmid Kesha‐Muhnedoo kuhya anegook tahwahwezhanduhmoog.

⁴ Nuhguhmootuhwik Kesha‐Muhnedoo, debahdooduhmook oodezhenekahzoowin: mekunahkag kaëneëzhaud emuh buhgwuhkuhkummig: moojegezetuhwik owh JAH azhenekahzood.

⁵ Kesha‐Muhnedoo oodoonejahnesemaun enewh kahwezenejin, kuhya oomenoo‐tebahkoonaun enewh shahgahwenejin emuh ookechetwah‐weguhmigoong

⁶ Kesha‐Muhnedoo oomeenaun enewh katemahgezenejin wegewaumun kadahnid, oopuggedenaun enewh kabahquahegahzoonejin cheähyahnid emuh akoo‐menoo‐azhewabuk: oodahsaun dush ween enewh kagaunzetummenejin emuh akoo‐nebewunsenook uhkee.

⁷ O Kesha‐Muhnedoo, uhpe kahsahguhummun anuhsuhmewaud ahnishenabag: uhpe kahpahbahmoosayun ewede puhgwuhduhkummig.

⁸ Kenuhningishahmahgud uhkee, kepungegahnoon enewh kezhigoon: maunduh Sinai wahjewh anahsuhmid owh Kesha‐Muhnedoo, oo‐Kesha‐Muhnedoomun owh Israel.

⁹ Emuh keshahwanjegawining kegepuggedenaun chekeche‐kemewung: mesuh kahezheähyeenjesittooyun ewh keduhkeem uhpe kahnoondashkahmahguk.

¹⁰ Kemahnishtahnishemug tahdahwug emuh: keen, O Kesha‐Muhnedoo, oonjeshahwanjegayun kegahpemenaug egewh katemahgezejig.

¹¹ Owh Tabaningad oogemeegewan ewh ekedoowin: kebahtuheïnwug egewh equawug dabahdoodungig.

¹² Egewh menissenoo‐oogemaug tahoozhemoowug: owh dush kazhahdegad oogahmahdahookeenun ooduhyeemewaun egewh mamauzheïndjig.

¹³ Uphe kawishemooyag emuh mahnishtahneshe‐weguhmigookaug, kegahezhenahgoozim debishkoo keche‐oomemee ooningweguning: shooneyaung kuhya oozahwah‐shooneyaung azhenahgwuk.

¹⁴ Uhpe owh mahyahmahwe‐mushkakwezid saswashkahwaud keche‐oogemaun: soogepoo emuh Zalmoning.

¹⁵ Kesha‐Muhnedoo oowahjewëmun Bashan ahwun: keche‐ishpuhdenah emuh Bashaning.

¹⁶ Wagoonash wanje‐ahkahwahbeyag kenuhwah keche‐wahjewëdoog? mesuh maunduh wahjewh Kesha‐Muhnedoo nanduhwandung chedaud emuh: kagate ewede Jehovah tahduhnuhkee kahgenig.

¹⁷ Kebahtuhyeïnwun Kesha‐Muhnedoo oodahbaunun: Tabaningad ooweedookahwaun enewh, debishkoo azhewabukebun emuh Sinaiïng mesuh azhewabuk emuh kechetwah‐ahnuhmeä‐weguhmigoong.

¹⁸ Kegeähmujjewa ewede wahjewing: kegetuhkoonaug nebewah takoonindjig: kegeöodahpenuhmoowaug enenewug, pooch kagaunzetungig, enewh meegewawinun, chedahyun emuh keen Jehovah Kesha‐Muhnedooweyun.

¹⁹ Tahmahmooyahwahmah owh Tabaningad anduhsoo‐kezheguk: kebemewunaëgoonaun suh enewh shahwandahgoozewinun owh mahyahmahwe‐mushkahwezid Kesha‐Muhnedoo bamahjeënung.

²⁰ Kagate bemahjeëwa ke‐Kesha‐Muhnedoomenaun: kuhya ween Jehovah Tabaningad ootebandaunun enewh bemahjeëwawinun kaöonjeneboosewung.

²¹ Kagate Kesha‐Muhnedoo oogahshahshahgoondebawaun enewh ahyaunwahjeënejin emuh mujje‐ezhewabezewining.

²² Oo‐oo keëkedoo owh Tabaningad, Bashaning ningahoonjekewawenaug: ningahpiskahbebenaug oonje nahwuhgaum kechegummeeng.

²³ Cheöonjebahnahzekahwudwah: chetuhkookeeyun emuh oomisqueemewaung egewh shaunganemikig, kuhya chemisquewunenig kediyug oodanuhnewhewaun oonje menequawaud oomishqueemewah egewh shaunganemikig.

²⁴ Oogewahbundahnahwah kedezhahwinun, O Kesha‐Muhnedoo, oodezhahwinun owh ne‐Kesha‐Muhnedoom nindoogemaum: emuh kechetwah‐weguhmigoong.

²⁵ Kenegaunewug egewh nahguhmoojig, oogenoopenuhnegoowaun enewh matwawajeganejin: nahwuhyeëeng keähyahwug egewh ooshkenegequag tawaëgawaud.

²⁶ Anduhzhe‐mahwunjeëding wahwezhanemik Kesha‐Muhnedoo Tabaningad oonje Israeling duhzhe tuhkibeeng.

²⁷ Ewede ahyah Benjamineens mamauzheäud enewh, kuhya Judaïng duhzhe oogemaug pamwuh-sinnuhahwaud: Zebuloning duhzhe oogemaug, kuhya Naphthaliïng duhzhe oogemaug.

²⁸ Kekesha‐Muhnedoom oogeähtoo ewh mushkahwezewin emuh keyowing: mushkahwezin, O Kesha‐Muhnedoo keöozhetoomahweyaung oo‐oo bemahjeëwawin.

²⁹ Oonje kedahnuhmeä‐weguhmigoong oogedahkee atag emuh Jerusaleming: kegahpetebahahmahgoog egewh keche‐oogemaug ewh oogemah‐tebahahmahgoowin.

³⁰ Nuhneebikim egewh ahwaseeyug emuh assah-gunushkookaug ayahjig, kuhya egewh oopezhekeen semewaun egewh ahnishenahbag: shahgushketuhmoowaud peetoowaud enewh shooneyaun; oogesuhswashkahwaun enewh ahnishenahban manwanduhmenejin ewh megahdewin.

³¹ Egypting tahoonjebahwug oogemaug gagah zhuhyegwah Ethiopia, oogahzhebenekatuhwaun Kesha‐Muhnedoon.

³² Oomah uhkeeng duhzhe oogemahwewinun, nuhguhmootuhwik Kesha‐Muhnedoo: wahwezhanemik owh Tabaningad.

³³ Owh kuhyet pamoomegood enewh kezhikoon: benuh noondahgooze keche‐missetahgoozewin.

³⁴ Debahdooduhmook Kesha‐Muhnedoo oomushkahwezewin: oogijuhyeëe anduhgoog Israel oodoogemah‐wandahgoozewin ahyahmahgud kuhya oomushkahwezewin ewede ahnuhquudoong.

³⁵ Kekootahmegooz oh Kesha‐Muhnedoo oonje kekechetwah‐weguhmigoong: keen mashkahwezeyun Kesha‐Muhnedooweyun emuh Israeling ween Kesha‐Muhnedoo oomeenaun enewh oodahnishenahbamun mushkahwezewin: tahpezhegandahgooze Kesha‐Muhnedoo.