PSALMS 66 - Ottawa New Testament Penteteuch and Psalms 1874

¹ Moojege‐Nuhguhmootuhwik Kesha‐Muhnedoo, kuhkenuh ahnooj azheweenzooyag.

² Emuh nuhguhmoowining debahdooduhmook azhepezhegandahgwudenig oodezhenekahzoowin.

³ Oo‐oo enik Kesha‐Muhnedoo, Kagate kekeche‐kootahmegooz emuh kedahnookewining: oonje keche‐mushkahwezeyun kegahnuhittahgoog egewh shaunganemikig.

⁴ Kegahahnuhmeätahgoog kuhkenuh oomah uhkeeng ayahjig, kuhya kegahnuhguhmootahgoog: oogahnuhguhmootahnahwah kedezhenekahzoowin.

⁵ Pewahbunduhmook oodahnookeewinun owh Kesha‐Muhnedoo: kootahmegwudene suh andoodahwaud enenewun.

⁶ Oogeëzhetoon ewh kechegummee chepangookummegaug kemetoosawug dush emuh akoo keche‐gummewung: ewede ningemoojegezetahwahnaun.

⁷ Oogemahwe emuh oomushkahwezewining kahgenig: oomechewahbuhmaun enewh ahnishenahban: kahween tahoombeneëdezoosewug egewh kagaunzetungig.

⁸ O wahwezhanemik ke‐Kesha‐Muhnedoomenaun ahnishenahbawedoog: mahnoo tahwahweenjegahdane oowahwezhanemegoowin.

⁹ Owh ganuhwanemaud kejechaugoonahnin emuh bemahdezewining: kah dush oopuggedenunsenun kesittahnahnin chemahmahjishkaug.

¹⁰ Keen mah, O Kesha‐Muhnedoo, kegekuhgwajekekanemim kegepeeneïm debishkoo shooneyah azhepeenejegahdag.

¹¹ Kegepeendeguhzhim emuh ahsubeeng: kegekooduggetoon netuhtuhgahgoon.

¹² Kegeënahkoonega chepemoomindwah enenewug emuh oogjig‐nishtequauning: ningepeöodittahnahnin ishkoota kuhya enewh nebeen: keen edush kegeëzheweshim emuh keche‐tebenuhwawezewining.

¹³ Ningahpeendega emuh kewegewauming gahgezemaun enewh chahgezoo‐sahsahgewejegunun: kegahtebahuhmoon ewh kahwahweenduhmoonaun.

¹⁴ Nindoon kekedoomahgud uhpe keähnemezeyaun.

¹⁵ Kegahpuggedenuhmoon chahgezoo‐sahsahgewejegunun kuhya manoo‐mahgwuk‐mahnishtahnishepemeda: ningahpuggedenaug pezhekewug kuhya ahyahba‐mesahboonzoog.

¹⁶ Peëzhahkag chenooduhmag, kuhkenuh kenuhwah quasag Kesha‐Muhnedoo: kegahdebahjemootuhmoonenim ewh kahdoodahwaud ninjechaugwun.

¹⁷ Ningeähnuhmeätuhwah nindoon: keähyooyaun, kuhya dush ningewahwezhanemah nindanuhnewh keähyooyaun.

¹⁸ Kishpin bahmanduhmaunbaun mujje‐ezhechegawin emuh nindaïng kahween nindahgebezindahgoose owh Tabaningad.

¹⁹ Kagate ningebezindaug Kesha‐Muhnedoo: oogebahmandaun nindinwawin anuhmeähyaunin.

²⁰ Tahmahmooyahwahmah owh Kesha‐Muhnedoo oonje kewabenunsig nindahnuhmeäwin, kah dush nepooneshahwanemegoose.