PSALMS 65 - Ottawa New Testament Penteteuch and Psalms 1874

¹ Keen Jehovah kewahwezhanemegoo emuh Zioning: kuhya kegahpuggedenuhmahgoo ewh kahwahweenduhmahgooyun.

² O Keen bazinduhmun ahnuhmeäwin kegahpenaunzekahgoog kuhkenuh wahyahsewejig.

³ Nemahmauzheëgoonun mujje‐ezhewabezewinun: kegahkuhseebeäunun kuhkenuh nekuhkebahdezewinun.

⁴ Shahwandahgooze suh owh enene keen kageginud kuhya nandoomud chedaud emuh kewegewauming: ningahtabuhganemoomin oonje oonesheshing kewegewaum, kekechetwah‐ahnuhmeä‐weguhmigoom.

⁵ Gwatahmegwukkin uhyeëen emuh menoo‐ezhewabezewining kegahoonje‐nuhquatuhwim, O Kesha‐Muhnedoo bamahjeëyaung: keen apanemikquah kuhkenuh wuhyaquahkummegaug ayahjig, kuhya egewh wahsuh ayahjig oogedebeeg keche‐kechegummeeng.

⁶ Oonje mushkahwezid oodahyeenjesittoonun enewh wahjewun; kechepezood mushkahwezewin.

⁷ Owh ashquahyahgummesittood kechegummee chemuhtwayaushkahsenook: kuhya chepoone‐oombegezewaud egewh ahnishenahbag.

⁸ Egewh wahsuhwakummig anduhnuhkeejig ookootahnahwah kekekenoowahjechegunun: kedenahkoonega chemoojegezewaud egewh ayahjig wanje‐kekezhabahwahguk kuhya wanje‐oonahgooshemahguk.

⁹ Kepenaunzekaun ewh uhkee, kuhya kenesahbahwuhtoon: kegahmeekoogetoon; Kesha‐Muhnedoo ooseebemun mooshkinabe: kewahwazhetoon ewh buhquazhegunushk uhpe kahkeezhetahyun.

¹⁰ Kenesahbahwahtoon akoo ooshadenahkummegaug, kuhya kenebekahdaun akoopahsuhdenahkummegaug: kenookekahbahwahtoon kemewun‐ahboo ahyooyun; keshahwandaun chemenoo‐sahguhkeemahguk.

¹¹ Kekecheshahwandaun ewh kekenoonoowin: kuhya pungegah ewh pemeda emuh aneëzhahyun.

¹² Pungegah emuh buhgwuhduhkummig duhzhe ketegauning: kewetuhyeëe dush moojegezemahgudoon enewh wahjewansun.

¹³ Bahtuhyeïnwug egewh mahnishtahnishug emuh mushkoosewine‐ketegauning: kechebahtuhyeïnud buhquazhegunushk emuh akoo pahsuhdenaug; moojegezemahgud kuhya wahwezhanduhmoomahgud.