PSALMS 64 - Ottawa New Testament Penteteuch and Psalms 1874

¹ Bezindun nindinwawin, O Kesha‐Muhnedoo, uhpe anuhmeähyaunin; guhnuhwandun nimbemahdezewin chekoosahsewug owh shaunganemid.

² Kahzheshin oonje keemooj kuhnoonindewaud egewh maje‐ezhewabezejig chemujje‐doodahwewaud; kuhya oonje megahzhewaud egewh mahkindungig mujje‐uhyeëewish:

³ Ookeennuhbootoonahwah oodanuhnewewaun debishkoo ahzhahahwashkoon: kuhya oogewahwazhetoonahwah ookeenwaukoomewaun, mesuh mujje‐ekedoowinun.

⁴ Keemooj oopemwahwaun enewh manoo‐ezhewabezenenejin: chasekah oopemwahwaun enewh, kah dush sagezesewug.

⁵ Weedookahdahdewug emuh mujje‐ezhewabezewining: kuhnoonindewug keemooj nahgwahnekawug: oo‐oo ekedoowug, ahwanan kawahbuhmaud enewh.

⁶ Oodoondoonaähnahwaun mujje‐ezhewabezewinun kagate anegook nundooneëgawug: dememahguddenewuu peenjenah kuhkenuh oonahnahgahdahwanduhmoowinewaun kuhya oodaëwaun.

⁷ Kesha‐Muhnedoo dush oogahpemwaun enewh: chasekah tahmahkegunahmahwug.

⁸ Oogahwabeshemegoonahwah tebenuhwa oodanuhnewhewaun: kuhkenuh egewh wuhyahbuhmahjig enewh tahoozhemoowug.

⁹ Tahsagezewug dush kuhkenuh enenewug kuhya oogahwahweendahnahwah oodahnookewin owh Kesha‐Muhnedoo: wawane mah oogahnahnahgahdahwandahnahwah oodezhechegawin.

¹⁰ Egewh manoo‐ezhewabezejig tahmoojegezewug oonje owh Jehovah, kuhya oogahahpanemahwaun enewh: kuhya kuhkenuh quuhyukoodaäjig tahwahwezhanduhmoog.