PSALMS 63 - Ottawa New Testament Penteteuch and Psalms 1874

¹ O Kesha‐Muhnedoo, ne‐Kesha‐Muhnedoom kekezhab kegahoondoonaöon: ninjechaug ookishkebahgwanoodaun kedezhewabezewin, neyaus kenunduhwanemegoon emuh pangookummegaug, kuhya nabekahsenook uhkeeng.

² Chewahbunduhmaun kemushkahwezewin: kuhya kepezhegandahgoozewin, debishkoo kahezhenuhmaun emuh kechetwah‐ahnuhmeä‐weguhmigoong.

³ Ahwahshema mah oonesheshin keshahwanjegawin dush ween bemahdezewin: kegahwahwezhanemin emuh nindooning.

⁴ Mesuh kaëzhewahwezhanemenaun menik kabemahdezeyaun: ningahoombenaunun neneenjeen emuh kedoonoozoowining.

⁵ Ninjechaug tahtabuhganemoo ahshummegooyaun win kuhya pemeda: emuh nemoojegezewining kegahwahwezhanemin nindoon ahyooyaun.

⁶ Kegemequanemin magwah shingeshinaun emuh nenebahguning: kuhya kegenahnahgahdahwanemin magwah nebabetuhmaunbaun.

⁷ Oonje keweedookahweyun mesuh kaöonjeminwanduhmaun emuh ahnahme‐keningweguning ahyahyaun.

⁸ Ninjechaug keche‐pashoo kenuhnoopenuhnik: nepemeähswahnigoon kekecheneenj.

⁹ Egewh dush nandoonaähjig ninjechaugwun chebahnahjeähwaud: tahezhahwug emuh ahnahmahkummig.

¹⁰ Oogahnesegoonahwah enewh ahzhahwashkoon: oogahahmoogoowaun enewh wahgooshun.

¹¹ Owh dush ween Keche‐oogemah oogahmoojegezetahwaun enewh Kesha‐Muhnedoon: kuhkenuh egewh katuhgoo‐weenahjig enewh tahmoojegezewug: egewh natuh‐kuhkenuhwishkejig tahkushkahmah-koodoonashkahwahwug.