PSALMS 62 - Ottawa New Testament Penteteuch and Psalms 1874

¹ Kagate ninjechaug oopeäun Kesha‐Muhnedoon: me mah owh bamahjeïd.

² Ween atuh nindahzhebikoom kuhya nebemahjeëwawin ahwe: me owh ganuhwanemid, kahween ningahkechemahmahjeëgoose.

³ Ahneen menik kanahnahgahdahwanduhmag chemujjedoodahwag enene? Kegahnesegoom kenuhwah kuhkenuh debishkoo wahkahwesamahguk wahkahegun kegahezhewabezeem, kuhya debishkoo mejekuning manjemoosechegahdasenook.

⁴ Tahkahkekedoowug cheniswabenahwaud oonje ookechetwahwandahgoozewining: oominwandahnahwah kuhkenuhwishkewinun; menoo‐kekedoowug emuh oodoonewaung, peenjenah atuh mujje‐kekedoowug.

⁵ Ninjechaug kegahpeäh Kesha‐Muhnedoo atuh: me mah owh nanduhwanemug cheshahwanemid: ween atuh nindahzhebikoom kuhya nimbemahjeewawin ahwe, kahween ningahmahmahjeëgoose.

⁶ Emuh Kesha‐Muhnedoong duhgoomahgud nimbemahjeëgoowin kuhya nepeshegandahgoozewin: swaungung nedahzhebikoom, kuhya nenahzhenezhemoowin ahwe.

⁷ Ahpena ahpanemik owh kenuhwah ahnishenahbadoog: segwabenuhmoog kedaëwaun anahsuhmid Kesha‐Muhnedoo, nindahpanemahnaun mah.

⁸ Kagate kah ningood enahbuddezesewug dabussandahgoozejig enenewug, kuhya kuhkenuhwishkewug ashpandahgoozejig enenewug: kishpin ahsindwah emuh tebahbishkoojeguning, kah ningood ahpeetenegoozesewug, kah ningood enahbuttezesewug.

⁹ Kagoo ahpanemookagoon kooduggeëwawin: kuhya kagoo muhmequahzookagoon oonje muhkundwashkewin: kishpin bahtuhyeënuk ketebenuhwawezewinewah, kagoo keche‐sahgetookagoon.

¹⁰ Ahbeting kekekedoo Kesha‐Muhnedoo, neezhing ningenoondaun oo‐oo: Kesha‐Muhnedoo, chedebandung mushkahwezewin.

¹¹ Keen edush, O Jehovah, kenetuh‐shahwanjega: keen mah ketebahahmahwaug kuhkenuh enenewug debishkoo anandahgwudenig oodahnookeewinewaun.