PSALMS 61 - Ottawa New Testament Penteteuch and Psalms 1874

¹ Noondun nindahnemetahgoozewin, O Kesha‐Muhnedoo: bezindun nindahnuhmeäwin.

² Wuhyaquahkummegaug uhkee kegahoonjenuhnaundoomin, uhpe katemahgedaäyaunin.

³ Oh ezhesuhgahbegeneshin emuh ahzhebikoong: nahwuj ashpahbikaug dush ween neen.

⁴ Keen mah kedow nindezhenezhemoowin: kuhya swaungung wahkahegun oonje egewh shaunganemejig.

⁵ Kahgenig ningahdah emuh kewegewauming: ningahahpanemoonun keningwegunun cheguhnuhwanemegooyaun.

⁶ Keen mah kegebezindahnun nindahnuhmeäwinun: kegemeezh ootebenuhwawezewinewaun egewh quatungig kedezhenekahzoowin.

⁷ Kegahkinwahtoon owh Keche oogemah oobemahdezewin: kuhya ookekenoonoowinun nahnauzh ahneka‐bemahdezewaud nebewah.

⁸ Kahgenig tahduhneze anahsuhmid Kesha‐Muhnedoo: O wahwazhetoon shahwanjegawin, kuhya dabwawin cheguhnuhwanemegood enewh.

⁹ Mesuh kaöonjenuhguhmootoonaun kahgenig; anduhsoo‐keezhik cheëzhechegayaun kahwahweenduhmaun.