PSALMS 60 - Ottawa New Testament Penteteuch and Psalms 1874

¹ O Kesha‐Muhnedoo, kegewabinim, kegesuhswanahzhahoom, kegenishkanemim: O nayaub peweedookahweshenaum.

² Kegenuhningishkahbetoon uhkee, kegepegoobetoon: noonjemootoon ewh menik kahpegoobetooyun, chuhcheengwakummegah mah.

³ Kegewahbundahaug egewh ahnishenahbag enewh sanuhgukkin uhyeëen: kegemeenuhemin ewh nashewamahguk shooweminahboo.

⁴ Kegemeenaug egewh quasikig ewh kekewaöon: cheöombahkoobechegahdag oonje ewh dabwawin.

⁵ Chebemahjeïndwah egewh suhyahgeüdjig: bemahjeëshin kekecheneenj ahyooyun, kuhya bezinduhweshin.

⁶ Kesha‐Muhnedoo kekekedoo emuh oomenoo‐ezhewabezewining, ningahmoojegiz, kuhya ningahnanahwenaun Sichem: kuhya nemahdahookeenun akoo pahsuhdenaug emuh Succothing.

⁷ Neen suh nindebandaun Gilead, kuhya Manasses ninduhkeem ahwun: kuhya Ephraim ahwun wanje‐mushkahwezemahguk nishtequaun: Judah netebahkoonega‐weneneem ahwee;

⁸ Moab nekesebegine‐mukkukoom ahwe; oogijeëëe Edoming ningahsahgejewabenaun nemukkissinim: keen Philistia moojegezin neen oonje.

⁹ Ahwanan kapeendiguhzhid emuh swaungung oodanaung? ahwanan kakekenooähmahwid chepeendegayaun emuh Edoming?

¹⁰ Kah nuh ween keen kegahdoodunse, O Kesha‐Muhnedoo, keen kahwabeneyaungoobun? keen, O Kesha‐Muhnedoo, kahpoone‐weedookahwudebuneeg neshemahgunisheminahnig kenundoobunewaud?

¹¹ Nahdahmahweshenaum uhyahnemezeyaungoon: kah mah ningood enahbuttussenene oonahdahmahgawin owh enene.

¹² Oonje weedookoonung Kesha‐Muhnedoo kegahkeche‐mahmauzhetwahmin: ween mah ahwe owh katahtuhkookahnaud enewh shaunganemeyungenejin.