PSALMS 6 - Ottawa New Testament Penteteuch and Psalms 1874

¹ O Jehovah, kagoo nuhneebekemeshekan emuh kenishkahdezewining: kagoo kuhya kooduggeïshekan emuh kekeche‐nishkahdezewining.

² Shahwanemeshin, O Jehovah, neshahgwewh mah: O Jehovah noojemooëshin, nindahkoosin mah nekunun.

³ Ahpeche nemegooshkahdandum: keen dush Jehovah ahneen menik kakooduggeëyun?

⁴ Piskahbin, O Jehovah, bemahjew ninjechaug: O bemahjeëshin keshahwanjegawin oonje.

⁵ Kah mah ahweyah kahnebood kemequanemegoose: ahwanan dush chebaguhmigoong ayaud kamahmooyahwahmik.

⁶ Nenoonda‐uhyakooz, oonzaum moonzhug mamahpenayaun: anduhsoo‐tebik nekesebegenaun nenebahgun kuhya nenesahbahwahtoon nenebahgun enewh nesebeengoon.

⁷ Ahzhe kebahnahdudoon nishkeenzhegoon apeech kesahdanduhmaun: kuhya kekataühyeëewun oonje kuhkenuh egewh shaunganemejig.

⁸ Ahwus nuhguhzheshig kenuhwah mahkinduhmag ewh mujje‐ezhewabezewin; ningebezindaug mah owh Jehovah uhpe matwa‐mahweyaunin.

⁹ Owh Jehovah oogebezindaun nepahgoosanjegawin: owh Jehovah oogahoodahpenaun nindahnuhmeäwin.

¹⁰ Tahahgujjeähwug kuhya tahkeche‐megooshkahjeähyahwug kuhkenuh egewh shaunganemejig: kepiskahbewaud chasekah‐tahahgujjewug.