PSALMS 59 - Ottawa New Testament Penteteuch and Psalms 1874

¹ Metahgwanemooweshin egewh shaunganemejig, O ne‐Kesha‐Muhnedoom: guhnuhwanemeshin oonje egewh pahmegahzhejig.

² Metahgwanemooweshin egewh mahkindungig ewh mujje‐ezhewabezewin: cheöonje‐bahnahjeësigwah natuh‐neshewajig enenewug.

³ Benuh suh oodahkahmahwahwaun ninjechaugwun: egewh mashkahwezejig enenewug kemahwunjeëdewug wemegahzhewaud, ahnahween goo kemujje‐ezhechegasewaun kuhya kemujje‐doodahgasewaun, O Jehovah.

⁴ Pemebuhtoowug kuhya oozheetahwug ahnahween goo kemujje‐doodahwahsewugwah: oonishkaun cheweedookahweyun, kuhya nahnahgahdahwahbundun.

⁵ Keen suh, O Kesha‐Muhnedoo, debanemudwah waqueenoojig, wa‐Kesha‐Muhnedoomik Israel, kooshkoosin chemahwuddesudwah kuhkenuh egewh anuhmeähsigoog: kagoo shahwanemahkan egewh maje‐ezhewabezejig.

⁶ Wanahgooshenig pekewawug: uhnemooshing enetahgoozewug, kewetuhyeëewung oodanah pahbahmebuhtoowug.

⁷ Benuh bahbesebewug, oodahyahnahwah ahzhahwashkoon emuh oodoonewaung: oo‐oo mah ekedoowug, ahwanan nwaundung?

⁸ Keen edush, Jehovah, kegahbahpeäug: kegahkaunjbahpeäug kuhkenuh egewh anuhmeähsigoog.

⁹ Kegahpeeïn keen oonje mushkahwezid: me mah ne‐Kesha‐Muhnedoom ganuhwanemid.

¹⁰ Kezhah ningahpeweedookaug owh Kesha‐Muhnedoo wahdookahwid: Kesha‐Muhnedoo oogahdoodahwaun enewh shaunganemenejin ewh azhenundahwanduhmaun.

¹¹ Kagoo nesahkan enewh, koonemah nindahnishenahbamug tahgewuhnanduhmoog: suhswawabin oonje mushkahwezeyun, kuhya niswabin, O Jehovah, nindushwewinenaun ahyahweyun.

¹² Oonje mujje‐kezhwawaud emuh oodoonewaung kuhya oogijedoon mujje‐kekedoowaud tahoonje‐nuhgwahnahwug emuh oomenahdanemoowinewaung: kuhya oonje oomujje‐kezhwawinewaun kuhya ookuhkenuhwishkewinewaun.

¹³ Bahnahjewh emuh kenishkahdezewining, bahnahjewh cheïshquah‐ahyahwaud: mahnoo oogahkekandahnahwah ewh chekeche‐oogemahwid Kesha‐Muhnedoo emuh Jacob ooduhkeeming, kuhya peenish wuhyaquahkummegaug uhkee.

¹⁴ Wanahgooshenig mahnoo tahpekewawug: mahnoo uhnemooshing tahenetahgoozewug, kuhya tahbahbahmebuhtoowug kewetuhyeëewung ewh oodanah.

¹⁵ Tahpahbahmoosawug nunduhwanduhmoowaud meejim: kuhya tahkuhpatebikwawug kishpin tabesineahsewindwah.

¹⁶ Neen dush ween ningahnuhguhmootaun kemushkahwezewin: aahe anegook ningahnuhguhmootaun keshahwanjegawin kakezhabahwahgukkin; keen mah kegeguhnuhwanim uhpe keähnemezeyaun.

¹⁷ Kegahnuhguhmootoon, keen nemushkahwezewin ahyahweyun: mesuh owh, Kesha‐Muhnedoo, ganuhwanemid, kuhya shawanemid.