PSALMS 58 - Ottawa New Testament Penteteuch and Psalms 1874

¹ Kagate enuh menoo‐ezhewabud kedekedoowinewah kenuhwah mahyahwunjeëdeyag? quuhyuk enuh ezhewabud ketebahkoonegawinewah, kenuhwah wagwissemenagwah enenewug?

² Kenahnahgahdahwandahnahwah ewh mujje‐uhyeëewish emuh kedaëwaung oomah uhkeeng: kuhya kemeekindahnahwah mujje‐ezhewabezewin.

³ Egewh anuhmeähsigoog wuhnishenoowug oonje oogeewaun oomesudahwaung: puhkatahwug akoo‐negewaud, kuhkenuhwishkewaud.

⁴ Debishkoo mujje‐kenabigoong enandahgwudene ootuhquungawinewaun: debishkoo kakebeshad kenabig, mesuh azhekuhkebeshaëdezood.

⁵ Webezindahwahsig enewh ganoonegoojin: ahnahween goo menoo‐kuhnoonegood enewh.

⁶ Pegooähmow webittahwaun emuh oodoonewaung, O Kesha‐Muhnedoo: pegooähmow oodahmekegunewaun egewh meshebeseensug, O Jehovah.

⁷ Mahnoo tahchahge‐ningezoowug debishkoo nebee uhpena kazhejewung: uhpe wuhyahginung oometikwauboomun chepemoojegad, mahnoo tahpegooshkahnewun ookeenwaukoomun.

⁸ Debishkoo bemiskoodissee azheningezood mesuh kaëzhebahnahdezewaud: kuhya debishkoo oonejahnesun owh equa nwaunda‐benenekad cheöonjewahbuhmahsigwah kezisoon.

⁹ Chepwah takezhezoowaud kedahkikoomewaug menahsahgahwunzhe‐mesun ahyooyag, tahwabahshewug magwah bemahdezewaud, emuh oonishkahdezewining.

¹⁰ Tahmoojegeze owh manoo‐ezhewabezid uhpe wuhyahbundung ewh ahzhittahwahedewin: tahkesebegesitta emuh oomisqueemewaung egewh maje‐ezhewabezejig.

¹¹ Mesuh kaöonje‐ekedood owh enene, Kagate tebahahmahwahwug egewh manoo‐ezhewabezejig: kagate menoo‐tebahkoonega owh Kesha‐Muhnedoo oomah uhkeeng.