PSALMS 57 - Ottawa New Testament Penteteuch and Psalms 1874

¹ Shahwanemeshin, O Kesha Muhnedoo, shahwanemeshin, kegenahdanemik mah ninjechaug: kuhya ahnaum keningweguning ningahnauzhenezhim nahnauzh egoo keïshquah‐ahnemezeyaun.

² Ningahnuhnaundoomah Kesha‐Muhnedoo mahyahmahwe‐ishpandahgoozid: mahyahmahwe‐mushkahwezid owh kakezheetuhmahwid oodahnookeewin.

³ Ishpeming oogahoonje‐ezhenahzhahwaun enewh kabemahjeënejin oonje‐kaunjbahpeïd owh wahahmood.

⁴ Kesha‐Muhnedoo ningahnindahik ooshahwanjegawin kuhya oodabwawin: ninjechaug ahyah emuh mashebeshekaug.

⁵ Ninguhkuhwishim emuh anduhzhe ahyahwaud egewh chuhyahgezegajig, enenewug oonejahnesewaun: debishkoo shemahguning kuhya keenwaukoong ezhewabudenewun webittahwaun, kuhya oodanuhnewhewaun debishkoo kahnaug ahzhahwashk.

⁶ Ahwahshema ishpandahgoozin dush ween kezhigoon, O Kesha‐Muhnedoo: kuhya ahwahshema pezhegandahgoozin dush ween uhkee.

⁷ Ningedahgoodahgoog anduhzhe‐tuhkookeeyaun, oogekinjedahwahwaun ninjechaugwun: ningeöozhetahmahgoog ewh wahnekaun emuh wahtuhkookeeyaun; wenuhwah tebenuhwa kepeenjesawug emuh.

⁸ Nesoongedaä, O Kesha‐Muhnedoo, nesoongedaä: ningahnuhgoom kuhya ningahmahmooyahwa.

⁹ Kooshkoosin nepezhegandahgoozewin; kooshkooseyook nepuhpegwun kuhya nemuhtwawajegun, kuhya neen ningahkooshkooz keche‐kekezhab.

¹⁰ Kegahmahmooyahwahmin anduhzhe‐ahyahwaud egewh ahnishenahbag Tabaningayun: kegahwahwezhanemin anduhzhe‐ahyahwaud egewh mayug‐ahnishenahbag.

¹¹ Anegookwaug mah keshahwanjegawin dabishkahmahgud kezhigoon: kuhya kedabwawin dabishkahmahgud enewh ahnuhquudoon.

¹² Ahwahshema ishpandahgoozin dush ween kezhikoon, O Kesha‐Muhnedoo: kuhya ahwahshema pezhegandahgoozin dush ween uhkee.