PSALMS 56 - Ottawa New Testament Penteteuch and Psalms 1874

¹ Shahwanemeshin, O Kesha‐Muhhedoo, neweähmoogoog mah enenewug: kuhpa kezhik nepeöodissegoog egewh mahgahzhejig.

² Neweähmoogoog egewh mahgahzhejig kuhpa kezhik: bahtuhyeïnwug mah egewh wahahmoojig, O Keen kache‐ishpandahgoozeyun.

³ Uhpe suhyagezeyaunin: kegahahpanemin.

⁴ Oonje Kesha Muhnedoo ningahwahwezhandaun oodekedoowin: ningeähpanemah Kesha‐Muhnedoo, kahween ningahsagezese; ahneen kadoodahwid enene?

⁵ Kuhpa kezhik oodaunjetoonahwah nindekedoowinun: uhpena nahnahgahdahwanduhmoog chemujje‐doodahwewaud.

⁶ Mahoonjeëdewug, kahzoowug: oodahkahwahbundahnahwah netuhkookeewinun uhpe akahmahwewaud.

⁷ Tahtaöozhemoowug enuh oonje mujje‐ezhewabezewaud? oonje niskahdezeyun neswabin egewh ahnishenahbag, O Kesha‐Muhnedoo.

⁸ Kegeähgindaunun nindoozhemoowinun: ahtoon nesebeengwaün emuh kemoodansing: kahnuhween oozhebeëgahdasenoon emuh kemuzzeneëguning.

⁹ Uhpe kanuhnaundoomenaun tahoozhemoowug egewh mahgahzhejig: nekekandaun mah cheweedookahwid Kesha‐Muhnedoo.

¹⁰ Oonje Kesha‐Muhnedoo ningahwahwezhandaun oodekedoowin: oonje Jehovah ningahwahwezhan daun oodekedoowin.

¹¹ Ningeähpanemah Kesha‐Muhnedoo: kahween ningahsagezese; ahneen kadoodahwid enene?

¹² Kegewahweenduhmoon, O Kesha‐Muhnedoo, gagoo chepuggedenuhmoonaun: kegahpuggedenuhmoon suh ewh wahwezhanduhmoowin.

¹³ Kegebemahjeäh ninjechaug cheneboosig: kahnuhween kegahbemahjetoosenun nintuhkookewinun chepungeshinsewaun: chebemoosayaun anahsuhmid Kesha‐Muhnedoo emuh bemahdezewine‐wahsayahzewining.