PSALMS 55 - Ottawa New Testament Penteteuch and Psalms 1874

¹ Bezinduhmahweshin nindahnuhmeäwin: kuhya kagoo agoonwatunkan ewh pahgoosanemenaun.

² Bezinduhweshin, kuhya nuhquatuhmooweshin: ahnooj ningahezhenahnahgahdahwandum, kuhya ningahoombegiz.

³ Oonje keche‐noondahgoozid owh shaunganemid, kuhya oonje mujje‐doodahwewaud egewh maje‐ezhewabezejig nepeetahmahgoog mah ewh mujje‐uhyeëewish, kuhya oonje nishkahdezewaud nesheenganemegoog.

⁴ Nemegooshkahjedaä suh: kuhya nepeöodissegoon enewh neboowine‐sagezewinun.

⁵ Nepeendegashkahgoon ewh sagezewin kuhya nuhningishkahwin: kuhya nepuhdukkwahnishkahgoon kuhgwahnesugge sagezewin.

⁶ Oo‐oo dush ningeekid, Ahwanan kameezhid keche‐oomeeme‐ooningwegunun chepemesayaun ningooche cheaäunwabeyaun.

⁷ Benuh wahsuh nindahgebahbahmesa: nindahgeduhniz emuh buhgwuhduhkummig.

⁸ Waweeb nindahgeöozhim: oonje puhguhmahnemuk kuhya keche‐nooding.

⁹ Bahnahjetuhmow, O Tabaningayun, oodanuhnewhewaun chebukhkaunudenig oodinwawinewaun: ningewahbundaun mah mujje‐ezhewabezewin kuhya megahdewin emuh oodanaung.

¹⁰ Kahzhegukkin kuhya tabekukkin oogahkewetaushkahgoonun enewh emuh oogij oowahkaheguning: kuhya peenjuheëeng tahahyahmahgudoon mujje‐ezhewabezewin kuhya megooshkahdezewin.

¹¹ Mujje‐doodahdewinun ahyahmahgudoon emuh nahwuhyeëeng: oomeekunaung dush kahween tahoonjemahjahmahgussenoon pukkittaëdewinun kuhya wuhyazhindewinun.

¹² Kahween owh mahgahzhid ahwese kahkaunj‐bahpeïd, kishpin ahwepun kahween gagoo nindahge-enanduhse: kahween owh shaunganemepun ahwese owh wahmujje‐doodahwid, kishpin ahwepun nindahkauz.

¹³ Keen atuh kedow wahdegamenaunbaun; kuhya kache‐sahgeënaunbaun.

¹⁴ Kegekechekuhnoonindemin: kuhya kegeweejindemin keëzhahyung oowegewauming owh Kesha‐Muhnedoo mahmahwe‐noondahgoozeyung.

¹⁵ Nishwahnahdezewinun oogahoodissegoonahwah, kuhya ahnahmuhkummig tahezhahwug magwah bemahdezewaud: mujje‐ezhewabezewinun ahyahmahgudoon emuh oowegewaumewaung, kuhya peenjenuh oodaëwaung.

¹⁶ Neen dush ween ninnahnaundoomah Kesha‐Muhnedoo: ningahbemahjeïk dush Jehovah.

¹⁷ Wanahgooshingin, kuhya kakezhabahwahgukkin, kuhya nuhyahwuhquagin ningahnahnahgahdahwandum, kuhya ningahuhnemetahgooz: oogebezindaun dush ninduhnemetahgoozewin.

¹⁸ Mesuh wah‐owh kahbemahjeïd emuh pezaunezewining oonje kahmegahnegooyaun: nebewah mah ningeweejewegoog.

¹⁹ Kesha‐Muhnedoo oogahbezindahwaun kuhya oogahnuhquatuhmoowaun oonoo, owh dush kuhyet anduhnezid oogahbezindahwaun: kuhya oogahnuhquatuhmoowaun kah mah aunjeähsewug, kah dush ookoosahsewaun Kesha‐Muhnedoon.

²⁰ Owh maje‐ezhewabezid oomeegahnaun enewh wahdookahgoojin: kuhya oogebahnahjetoon oowahweendahmahgawin.

²¹ Debishkoo doodoosh‐pemedang ezheähyahmahgudenewun oodekedoowinun, ahnahween goo megahzood emuh oodaïng: ahwahshema nookahmahgudenewun oodekedoowinun dush ween pemeda, pooch enewun ahzhahwashkoong enandahgwud.

²² O puggedenuhmahwik owh Jehovah ewh pamoonduhmun, kegahpemenik edush: kah dush wekah oogahpuggedenahseen enewh manoo‐ezhewabezenejin chepungeshinenid.

²³ Oogoo dush ween keen, O Kesha‐Muhnedoo, kegahniswabenaug emuh nishwahnahdezewine wahnekauning.

²⁴ Owh natuh‐neshewad kuhya owh wuhyazhingashkid enene kahween ahbetah tahtabemahdezese ookezhegudoomun: neen dush ween kegahahpanemin.