PSALMS 54 - Ottawa New Testament Penteteuch and Psalms 18741 O Kesha‐Muhnedoo, kedezhenekahzoowining oonje bemahjeëshin: kuhya kemushkahwezewining kegahoonjetebahkoon. 2 O Kesha‐Muhnedoo, bezindun nindahnuhmeawin: bezindun akedoomahguk nindoon. 3 Kepuhsegwewug mah mayuggezejig wemegahzhewaud: kuhya quaduggeëwajig newemukkummegoog nebemahdezewin: kahween oogemequanemahsewaun Kesha‐Muhnedoon. 4 Benuh neweedookaug Kesha‐Muhnedoo: Tabaningad ooweejewaun enewh ahyahswahnahnejin ninjechaugwun. 5 Egewh shaunganemejig oogahdungishkahgoonahwah mujje‐uhyeëewish: emuh kedabwawining bahnahjewh egewh. 6 Wanepuzh kegahpuggedenuhmoon ewh meegewawin: ninwahwezhandaun kedezhenekahzoowin, oonesheshin mah. 7 Ningebemahjeïk kuhkenuh menik keähnemezeyaun ooguhnuhwahbuhmaun enewh shaunganemenejin. |
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
Canadian Bible Society