PSALMS 52 - Ottawa New Testament Penteteuch and Psalms 1874

¹ Wagoonash wanje‐muhmequahzooyun emuh mujje‐doodahgawining, O keen mashkahwezeyun: ahpena mah duhgoomahgud ooshahwanjegawin owh Kesha‐Muhnedoo.

² Kedanuhnewh ahnookeemahgud chemujje‐ezhewabuk, debishkoo kahnaug kaushkebahjegun wuhyazhinga‐ahnookeemahgud.

³ Nahwuj keminwandaun mujje‐uhyeëeweesh dush ween menoo‐ezhewabezewin: kuhya kuhkenuhwishkewin dush ween quuhyuk kezhwawin.

⁴ Kesahgetoonun kuhkenuh banahjeëwamahgukkin ekedoowinun: O wuhyahzhinga‐oodanuhneweweyun.

⁵ Kuhya keen kegahbahnahjeik Kesha‐Muhnedoo kahgenig, kuhya kahgenig kegahmahjewenik, kuhya kegahsahgejewabenik oonje kewegewauming, kuhya kegahpahquahkoojebikabenik oonje anduhnuhkeewaud egewh bamahdezejig.

⁶ Egewh manoo‐ezhewabezejig oogahwahbundah nahwah, kuhya tahsagezewug: kuhya oogahkaunj-bahpeähwaun enewh.

⁷ Benuh wah‐owh enene kahahpanemahsig Kesha‐Muhnedoon: oogeähpanemoonun atuh buhyahteenudenig ootebenuhwazewinun, kuhya kesoongedaä-edezoo emuh oomujje‐ezhewabezewining.

⁸ Neen dush nindezheähyah debishkoo ooshkemetikoong emuh oowegewauming owh Kesha‐Muhnedoo: kahgenig nindahpanemoon ooshahwanjegawin owh Kesha‐Muhnedoo.

⁹ Kegahwahwezhanemin kahgenig oonje kedooduhmun: ningahbeetoon kedezhenekahzoowin: oonesheshin mah emuh anahsuhmewaud egewh anuhmeätookig.