PSALMS 51 - Ottawa New Testament Penteteuch and Psalms 1874

¹ Shahwanemeshin, O Kesha‐Muhnedoo, debishkoo anandahgwuk keshahwanjegawin: ashenuk kekeche‐ketemahganjegawinun kuhseebeahmahweshin nebahtahzewinun.

² Wawane kahseeyahbahweshin nemujje‐ezhewabezewin: kuhya ekoonuhmahweshin nekuhkebahdezewin.

³ Newahweendahnun mah nemujje‐ezhewabezewinun: kuhya uhpena newahbundaun nemujje‐ezhechegawin.

⁴ Keen atuh kegemujje‐doodoon, kuhya ningeëzhechega maunduh nemujje‐ezhechegawin emuh anahsuhmishkinzhegwayun: cheöonjeminwandahgoozeyun uhpe kahkedooyunin, kuhya ningood chemujje‐enanemegoosewun uhpe tabahkoonegayunin.

⁵ Benuh, ningeëzheëneneweëgoo emuh mujje‐ezhewabezewining: kuhya emuh mujje‐uhyeëewishing ningeëzheöonejahnesemik ninguh.

⁶ Benuh, kenunduhwandum dabwawin cheduhgoomahguk peenjenah: kuhya kegahahnookee chenesittootuhmaun nebwahkahwin emuh keemoodezewining.

⁷ Peeneëshin ewh hyssop ahyooyun, me dush kaöonjepeenezeyaun: kesebegineshin, mesuh ahwahshema kaöonjewahbishkizeyaun dush ween azhewahbishkezid koon.

⁸ Mahnoo enanemeshin chenoonduhmaun bahpenanduhmoowin kuhya moojegezewin: cheöonje‐moojegezemahguk enewh ookunemaun kahpegoobetooyunin.

⁹ Kahdoon kishkinzhegoon chewahbunduhsewun nemujje‐ezhewabezewinun: kuhya kahseeün kuhkenuh nemujje‐ezhechegawinun.

¹⁰ Oozhetoomahweshin pahnuk oodaëmah, O Kesha‐Muhnedoo: kuhya aunjetoomahweshin ninjechang chequuhyuk‐ezhewabezid peenjenuh.

¹¹ Kagoo sahgejewabeneshekan emuh oonje anahsuhmuhbeyun: Kagoo kuhya ekoonuhmahweshekan-kejechaug.

¹² Nayaub meezheshin ewh moojegezewin anahsuhmuhbeyun wanjebahmahguk; kuhya ahshedah-quahweshin oonje kekeche‐kejechaug wanepuzh pagedenud.

¹³ Me dush uhpe kakekenooähmahwugwah egewh maje‐ezhewabezejig kemeekunun: egewh buhyahtahzejig cheäunjeïndwah cheähnuhmeätookwah.

¹⁴ Wabenuhmahweshin neneshewawin, O Kesha‐Muhnedoo, keen bamahjeëyun ne‐Kesha‐Muhnedoom: kuhya ningahnuhguhmootaun kequuhyukwahdezewin nindanuhnewh kaähyooyaun.

¹⁵ O Jehovah, nesahkoonuhmahweshin nindoon: medush kaöonjekeche‐wahwezhanemenaun.

¹⁶ Kah mah kenundahwanduhseenun enewh suhsahgewejegawinun, kishpin nunduhwanduhmunbun kedahgemeenin: kahween keminwanduhse chahgezoo‐meegewawin.

¹⁷ Oosahsahgewejegawinun owh Kesha‐Muhnedoo me ewh kesahdanduhming: ketemahgedaäwin kuhya kesahdanduhmoowin, O Kesha Muhnedoo, kahween kegahnishkahbundunseenun.

¹⁸ Minwandun chemenoo‐dooduhmun Zion: oozhetoon Jerusaleming duhzhe wahkahegunun.

¹⁹ Me dush uhpe kahminwanduhmun ewh quuhyuk‐wahdezewine sahsahgewejegawin, enewh chahgezoo‐meegewawinun kuhya puggedenegawinun: me dush uhpe kaähsahwaud ahnookee‐pezhekeensun emuh kesahsahgewejegun‐ahbikoong.